KFOR-i monitoron situatën në veri: Kjo rrezikon përshkallëzimin e mëtejshëm të tensioneve

Foto nga arkivi, ilustrim

Lidhur me zhvillimet e fundit në veri të vendit, faktorët ndërkombëtarë kanë dënuar veprimet e Qeverisë së Kosovës.

KFOR-i për Portalin Dukagjini ka thënë se është duke e monitoruar nga afër situatën në komunat në veri të Kosovës.

“Kjo është jashtëzakonisht e rrezikshme për procesin e normalizimit dhe rrezikon përshkallëzimin e mëtejshëm të tensioneve. KFOR-i dënon me vendosmëri këto akte të njëanshme dhe u bën thirrje të gjitha palëve që të përmbahen nga dhuna që mund të kërcënojë sigurinë në Kosovë”, ka thënë KFOR-i.

KFOR-i ka thënë tutje se koordinimi në mes të aleatëve ndërkombëtarë është thelbësor për të shmangur përshkallëzimin e mëtejshëm.

“Prioriteti i parë i KFOR-it mbetet sigurimi i një mjedisi të sigurt, në përputhje me mandatin e Këshillit të Sigurimit të OKB-së. Dialogu dhe diplomacia jonë e vetmja rrugë drejt paqes dhe sigurisë së qëndrueshme në Kosovë”, ka shtuar KFOR-i.

Gjatë ditës së djeshme u pengua hyrja e kryetarëve të komunave të veriut në objekte komunale, por me asistimin e Policisë së Kosovës, kryetarët arritën të hyjnë në këto objekte.

Ko situatë nga faktorët ndërkombëtarë është dënuar duke e konsideruar si “masa të dhunshme”.

Shija e redaktorit

Lansohet platforma e-Komuna, Kurti: Drejt një qeverisjeje digjitale me fokus...

Ministria e Administrimit të Pushtetit Lokal ka organizuar të premten ceremoninë e lansimit të shërbimeve të e-Komuna, e cila është pjesë e platformës shtetërore...

ASK: Në Kosovë s’ka rënie të madhe të numrit të...

Procesi i regjistrimit të popullsisë në Kosovë përfundon këtë të premte, pas fillimit të tij më 5 prill, rezultatet preliminare të të cilit pritet...

Osmani bisedon me homologun gjerman, diskuton rëndësinë e anëtarësimit të...

Presidentja e Kosovës, Vjosa Osmani, të martën mbrëma ka zhvilluar një bisedë telefonike me homologun gjerman, Frank-Walter Steinmeier. Në një postim në rrjetin social "X",...

Të fundit nga rubrika