Presidentja e Kosovës, Vjosa Osmani, ka mohuar se Lëvizja Vetëvendosje i ka ofruar nënshkrimet dhe përkrahjen për rizgjedhje si Presidente e Republikës.
Sipas njoftimit të Presidencës, pretendimet e bëra nga VV janë të pavërteta.
“Demant – Presidentja Osmani demanton se i janë ofruar nënshkrimet dhe përkrahja nga Lëvizja Vetëvendosje për rizgjedhje si Presidente e Republikës së Kosovës. Kjo është gënjeshtër!”, thuhet në njoftimin e Presidencës.
Shefja e Grupit Parlamentar të Lëvizjes Vetëvendosje, Arbërie Nagavci, ka deklaruar se partia e saj i kishte ofruar presidentes Vjosa Osmani 30 nënshkrime nga deputetët e LVV-së për kandidim, por sipas saj, Osmani nuk kishte pranuar ofertën.
Nagavci po ashtu theksoi se LVV-ja është e gatshme të ofrojë nënshkrime edhe për dy partitë tjera opozitare për të shmangur zgjedhjet e reja.
Nagavci: Ia kemi ofruar Osmanit 30 nënshkrime, nuk ka pranuar ofertën