Gerald Knaus, nga Iniciativa Evropiane për Stabilitet, ka thënë se strategjia aktuale e Bashkimit Evropian për dialogun Kosovë-Serbi ka dështuar.
Ai, teksa ka komentuar deklaratat e fundit të zyrtarëve serbë, të cilët kanë thënë se nuk do të marrin pjesë në votim për shkarkimin e kryetarëve në veri, ka renditur disa nga faktet që çuan në përshkallëzim të situatës në veri të vendit.
“Duket si një krizë e cila filloi kur kryetarët e komunave nga Lista Serbe në veri të Kosovës dhanë dorëheqjen në fund të vitit 2022, pikërisht në momentin kur Gjermania dhe Franca kërkuan pranimin e propozimit të tyre për “njohjen de facto” në Beograd… kriza u thellua kur Lista Serbe bojkotoi zgjedhjet e reja në vitin 2023, duke synuar krijimin e një vakumi ligjor në veri të Kosovës pa autoritete lokale ligjore. Kjo nxiti dhunën më të keqe në një kohë të gjatë në rajon, dhe kjo do të vazhdojë. E cila nuk mund të befasojë askënd”, ka shkruar Knaus.
Sipas tij, Beogradi që në fillim ka hedhur poshtë hapur çdo strategji njohjeje “de facto”.
“Beogradi e ka përsëritur këtë, përsëri dhe përsëri: nuk ka marrëveshje. Nuk ka pasur kurrë. Strategjia e BE-së (dhe e SHBA-së) bazohet në analizën e gabuar: që procesi aktual i anëtarësimit në BE i jep BE-së ndikim në Serbi. Nuk bën më. Një arsye e qartë për rrëzimin e ndikimit të BE-së është rrëzimi i politikës së besueshme të anëtarësimit të BE-së për askënd në rajon”, ka shkruar tutje Knaus.
Ndër të tjera, Knaus ka theksuar se e gjithë kjo e bën këtë momentin më të rrezikshëm në Ballkan që nga viti 2001.
Ai gjithashtu ka paralajmëruar për mundësinë e luftërave të reja nëse nuk ka përgjigje adekuate nga BE-ja dhe vendet anëtare.
“Shumë njerëz në të gjithë BE-në ende nuk e shohin ose pretendojnë se nuk e shohin këtë. (Dhe nuk do të zgjidhet duke premtuar pak më shumë para si “plani i rritjes”). Në vend të kësaj, lojtarët kryesorë në rajon presin dhunë të re dhe po përgatiten për të. Nëse Gjermania, Franca dhe BE-ja nuk zgjohen, do të ketë luftëra të reja. Dhe një dështim vërtet katastrofik i BE-së”, ka shkruar Knaus.
It looks as if a crisis which
– started when mayors from Serbian list in north Kosovo resigned in late 2022, at the very moment when 🇩🇪🇫🇷 pushed for acceptance of their „de facto recognition“ normalization proposal in Belgrade …
– which deepened when Serbian list boycotted new… https://t.co/345mWVmprB pic.twitter.com/2HyXHQfM5G
— Gerald Knaus (@rumeliobserver) April 8, 2024