Komuna e Mitrovicës punësoi infermiere pa licensë dhe pa nënshtetësi kosovare, Prokuroria paraqet kërkesë për grumbullimin e provave

Parregullsi dhe jokorrektësi kanë ndodhur në konkursin për infermierë në komunën e Mitrovicës. Prokuroria Themelore e Mitrovicës ka nisur hetimet lidhur me këtë çështje

Komuna e Mitrovicës

Parregullsitë dhe jokorrektësitë e ndryshme vazhdojnë të jenë prezente në institucionet komunale të vendit. Një e tillë është në komunën e Mitrovicës.

Qendra Kryesore e Mjekësisë Familjare “Dr. Nexht Çuni” kishte shpallur konkurs për 20 infermierë të përgjithshëm. Për 20 pozita kishin aplikuar 330 kandidatë, 260 prej tyre ishin përzgjedhur për procedurat rekrutuese të testimit.

Konkursi për 20 infermierë të përgjithshëm në Qendrën Kryesore të Mjekësisë Familjare “Nexhat Çuni” në Mitrovicë

Në mesin e 20 kandidatëve të përzgjedhur ishte edhe një e tillë që nuk i plotësonte dy kritere të konkursit, ajo nuk kishte nënshtetësi kosovare dhe licensën.

Lidhur me rastin, Prokuroria Themelore në Mitrovicë ka nisur hetimet.

Komuna e Mitrovicës në një përgjigje për Portalin Dukagjini, ka thënë se konkursi për infermierë të përgjithshëm është zhvilluar para më shumë së një viti.

Në përgjigjen e tyre, thuhet se kandidatja ka pasur lejeqëndrim të përhershëm në Republikën e Kosovës dhe aplikacioni i është pranuar në bazë të një vendimi të Qeverisë së Kosovës nr.07/11 i datës 07.05.2021 për punësimin e shtetasve të Shqipërisë.

Komuna e Mitrovicës ka thënë se pas pranimit të aplikacionit, kandidatja ka vazhduar me procedurat e tjera të rekrutimit në mënyrë të njëjtë dhe të barabartë më të gjithë kandidatët e tjerë, dhe se, sipas tyre, e njëjta pas gjashtë muajve të periudhës provues ose thënë ndryshe praktikës ka rezultuar në mesin e kandidatëve të pranuar.

Duke iu referuar përgjigjes së komunës së Mitrovicës, gjatë periudhës provuese të punës, kandidatja nuk ka arritur të plotësojë dokumentacionin e nevojshëm për të vazhduar me kontratë të përhershme të punës dhe i është ndërprerë kontrata e punës.

“Para më shumë se një viti menjëherë pas përfundimit të konkursit organet ligjzbatuese kanë kërkuar gjithë dokumentacionin e konkursit më qëllim të verifikimit. Përveç dorëzimit të gjithë dokumentacionit të kërkuar, anëtarët e komisionit u kanë dhënë të gjitha sqarimet e tyre lidhur me këtë konkurs”, thuhet në përgjigjen e komunës së Mitrovicës.

Komuna e Mitrovicës ka thënë tutje se procesi i rekrutimit është zhvilluar sipas parimit të barazisë dhe gjithëpërfshirjes, “duke plotësuar kriteret e një procesi të drejtë dhe transparent, me respektim të plotë të procedurave dhe afateve”.

“Të gjithë kandidatëve, mediave dhe OJQ-ve, që kanë parashtruar kërkesë, iu është mundësuar qasja në dokumentacionin e konkursit, sipas ligjit të qasjes në dokumente zyrtare. Po ashtu ka ekzistuar bashkëpunimi i plotë dhe i vazhdueshëm me organet ligjzbatuese”, thuhet tutje në përgjigjen e komunës së Mitrovicës.

Zëdhënësi i Prokurorisë Themelore në Mitrovicë, Valon Preteni, në një përgjigje për Portalin Dukagjini ka thënë se lidhur me rastin është paraqitur kërkesë për grumbullimin e provave.

Prokuroria Themelore në Mitrovicë

“Lidhur me rastin, është paraqitur kërkesë për grumbullimin e provave”, ka përfunduar Preteni.

Shija e redaktorit

Sulmuesi i përfaqësueses së Kosovës Muhamet Hyseni zyrtarizohet tek AC...

Të verdhit e rrezikshëm siç njihen në futbollin danez “AC Horsens” kanë arritur të bëjnë goditje të rëndësishme për afatin e ri kalimtar të...

Fermeri 74 vjeçar i shtëpisë së të moshuarve e funksionalizon...

Domate, speca, tranguj, kunguj e plot lloje të tjera perimesh janë të gjeturat e stinës në këtë serrë, mu në zemër të kryeqytetit. Ajo gjendet...

Shefja e katalunasve në Parlamentin e Spanjës: S’do të ndalemi...

Partia katalunase “Junts per Catalunya” kanë marrë një iniciativë në Parlamentin e Spanjës për t’i kërkuar Qeverisë së Spanjës njohjen e pavarësisë së Kosovës...

Të fundit nga rubrika