Kryeministri i Norvegjisë shpreh zhgënjim për moslejimin e zgjedhjeve serbe në Kosovë

Në ditën e dytë të vizitës zyrtare në shtetin e Norvegjisë, Kryeministri i Kosovës Albin Kurti, është pritur nga homologu i tij, Jonas Gahr Store.

komunikatën e lëshuar nga zyra e Kryeministrit të Norvegjisë, thuhet se diskutimet nga dy kryeministrat janë fokusuar në mbështetjen që Norvegjia mund ta japë për Kosovën, si dhe për dialogun Kosovë-Serbi, të mbështetur nga Bashkimi Evropian.

Sipas komunikatës, Kryeministri norvegjez, ka shfaqur zhgënjimin për moslejimin e mbajtjes së zgjedhjeve serbe të tre prillit, në territorin e Kosovës, ashtu sic janë mbajtur në të kaluarën.

Ai shtoi se marrëveshjet ekzistuese të nënshkruara në Bruksel, duhet të zbatohen nga të dyja palët, dhe të mos bëhen veprime që do të mund të ulnin besimin  në mes të dy shtetve fqinje (Kosovë-Serbi).

“Prandaj, shfrytëzova rastin gjatë takimit tonë, për të shprehur zhgënjimin tim që Kosova nuk po lejonte që zgjedhjet serbe të 3 prillit të organizoheshin në të njëjtën mënyrë si zgjedhjet e mëparshme”, tha Støre.

Po ashtu, në njoftimin e Kryeministrisë së Norvegjisë, u tha se stabiliteti në Ballkanin Perëndimor nuk mund të merret si i mirëqenë.

“Ne nuk mund ta marrim si të mirëqenë stabilitetin në Ballkanin Perëndimor. Çështjet e pazgjidhura që datojnë nga vitet 1990 mund t’i vënë sërish flakën rajonit”, tha kryeministri Støre në takimin që kishte me Kurtin.

Kryeministri Kurti, gjatë vizitës së tij në Oslo, është takuar edhe me ministren e Punëve të Jashtme, Anniken Huitfeldt. Në komunikatë thuhet se janë diskutuar marrëdhëniet bilaterale ndërmjet Norvegjisë dhe Kosovës, për situatën e politikës së sigurisë në Evropë dhe dialogun e udhëhequr nga BE-ja ndërmjet Kosovës dhe Serbisë.

Shija e redaktorit

Spanja në finale, mposht Francën

Kombëtarja e Spanjës ka arritur kualifikimin në finale të Euro 2024, pasi mposhti me rezultat 2:1 kombëtaren e Francës në gjysmëfinale. Në pjesën e dytë...

Ballkani triumfon në ndeshjen e parë kualifikuese në Ligën e...

Ballkani ka fituar 2-1 ndaj Santa Coloman në 1/8 e fazës kualifikuese në Ligën e Kampionëve. Ndeshja nisi me një ritëm të qetë, por që...

Blinken duartroket rolin e Osmanit për hapjen e qendrës rajonale...

Sekretari amerikan i Shtetit, Antony Blinken, ka vlerësuar rolin e presidentes së Kosovës, Vjosa Osmani, në hapjen e qendrës rajonale “Gratë, Paqja dhe Siguria”...

Të fundit nga rubrika