Kurti me lëvdata edhe për sektorin e drejtësisë: Kemi qartësuar rrugën për zhvillimin e Vetingut

I pari i ekzekutivit, Albin Kurti, vazhdon të rendit të arriturat e Qeverisë gjatë vitit 2022 në sektorë të ndryshëm. Ai tani ka ndarë arritjet në sektorin e drejtësisë, ku sipas tij nga Qeveria është qartësuar rruga për zhvillimin e Vetingut

Kryeministri i Kosovës, Albin Kurti

Kryeministri i Kosovës, Albin Kurti, ka publikuar “arritjet” e Qeverisë së tij në sektorin e drejtësisë, duke i renditur edhe miratimet e Projektligjeve në Kuvendin e Kosovës.

Kurti në një postim në rrjetin social Facebook, ka thënë se Qeveria ka qartësuar rrugën për zhvillimin e Vetingut në sistemin e drejtësisë, bartës i së cilit sipas tij, do të jetë Kuvendi i Republikës së Kosovës.

“Miratuam Strategjinë e Sundimit të Ligjit. Miratuam Strategjinë Kombëtare për mbrojtje nga dhuna në familje dhe Planin e veprimit për vitet 2022-2026”, ka shkruar Kurti në Facebook.

Po ashtu, ai ka përmendur edhe se Qeveria ka lansuar Protokollin Shtetëror për Trajtimin e rasteve të Dhunimeve Seksuale.

Dhe se Qeveria ka ndryshuar Kodin Penal për dënime plotësuese ndaj atyre që shpallen fajtor për dhunim seksual dhe dhunë në familje.

“Komisioni i Venecias i ka aprovuar ndryshimet për Projektligjin për Byronë Shtetërore për verifikimin dhe konfiskimin e pasurisë së pajustifikueshme”, ka shkruar tutje Kurti.

Ndërkaq, kryeministri Kurti ka treguar edhe se është miratuar në Kuvend Projektligji për Këshillin Prokurorial të Kosovës.

Po ashtu, sipas tij, janë miratuar në lexim të parë Projektligji për Prokurorin e Shtetit dhe ai për Prokurorinë Speciale.

Ndërkaq, ai ka thënë  se në lexim të parë është miratuar Projektligji  për Themelimin e Institutit për adresimin e krimeve të kryera gjatë luftës.

Renditjen e të arriturave, Kurti ka përmbyllur me miratimin e Planit të Veprimit për zbatimin e projektit “Memoriali për fëmijët e vrarë gjatë luftës 1998-99 në Kosovë”.

 

 

 

 

Shija e redaktorit

Libraria “Dukagjini” fiton çmimin FIDES 2022 për kontributin korporativ

Libraria "Dukagjini" ka marrë të mërkurën e 18 janarit çmimin FIDES 2022 për kontribut korporativ. Ky çmim librarisë "Dukagjini", ju dha për kontributin e vazhdushëm...

Libraria Dukagjini vjen me “BookFest” në Albi Mall

Libraria “Dukagjini” dhe “Albi Mall” kanë bashkuar forcat për një superfestë të librit, me shumë aktivitete e superatmosferë. Për dhjetë ditë me BookFest-in e librarisë...

Arti dhe kultura janë letërnjoftim nacional

Selman Jusufi, i cili ka studiuar Artin dramatik në Universitetin e Prishtinës, nga viti 1973 deri më 1985, ka qenë i angazhuar në Teatrin...

Më të lexuarat

Kush ishte Nysret Cena, 48-vjeçari që u vra në Kaçanik?

Personi që ka mbetur i vrarë në mbrëmjen e së hënës në Kaçanik mësohet se është Nysret Cena. Nysret Cena ishte pjesëtar i Ushtrisë Çlirimtare...

Lajçak ‘befason” thotë se me Kurtin kanë rënë dakord që...

I dërguari i posaçëm i Bashkimit Evropian për dialogun Miroslav Lajçak, ka njoftuar nëpërmjet rrjetit të tij social se është në Kosovë, për të...

Detaje nga rasti ku ishte përfshirë Nysret Cena, Gjykata e...

Nysret Cena është personi që ka mbetur i vrarë në mbrëmjen e së hënës në Kaçanik. Ai ishte pjesëtar i Ushtrisë Çlirimtare të Kosovës...

Të fundit nga rubrika