Kurti me lëvdata edhe për sektorin e arsimit: Liruam studentët nga pagesa, kemi ndarë mbi 4 mijë bursa

I pari i ekzekutivit, Albin Kurti, po vazhdon të rendit angazhimet e Qeverisë në sektorë të ndryshëm. Ai ka ndarë të arriturat për sektorin e arsimit gjatë vitit 2022, duke theksuar se ka liruar studentët nga pagesa dhe ka ndarë mbi 4 mijë bursa për ta

Albin Kurti, kryeministër i Kosovës

Kryeministri i Kosovës, Albin Kurti, ka renditur angazhimet e Qeverisë për sektorin e arsimit gjatë vitit 2022.

Kurti, nëpërmjet një postimi Facebook, ka thënë se Qeveria e Kosovës me qëllim arsimin cilësor dhe gjithëpërfshirës, i cili e zhvillon potencialin dhe kompetencat gjatë vitit të kaluar, ka miratuar strategjinë e re të arsimit 2022-2026, rikthimin e Agjencisë së Kosovës për Akreditim në ENQA, si anëtare e asocuar dhe lirimin nga pagesa për afër 43 mijë studentë.

Përveç strategjisë së re për arsim, Kurti ka përmendur edhe ndarjen e mbi 4 mijë bursave për studentët, heqjen e pagesave, ndërtimin e shkollave të reja e kështu me radhë.

Sipas tij, nga Ministria e Arsimit janë ndarë rreth 2 mijë bursa për studentët e dalluar, për studime brenda dhe jashtë vendit.

“Mbi 100 bursa për nxitjen e vajzave dhe djemve për studime në profile deficitare. Afro 2 mijë bursa për fushat STEM, 300 mijë euro bursa për nxënësit e komuniteteve rom, ashkali dhe egjiptian”, ka shkruar Kurti në rrjetin social Facebook.

Po ashtu, Kurti ka bërë të ditur se nga Qeveria e Kosovës janë ndërtuar katër shkolla fillore dhe të mesme të ulëta, tri salla të edukatës fizike.

“27 shkolla janë furnizuar me inventar, 22 salla të edukatës fizike me pajisje sportive, 55 objekte shkollore me pako për mirëmbajtje, dhe 22 objekte shkollore me pajisje laboratorike”, ka shkruar tutje Kurti.

I pari i ekzekutivit, ka treguar se Qeveria ka ndarë 300 mijë euro për qendrat mësimore të fëmijëve romë, ashkali dhe egjiptianë, si dhe 350 mijë euro për punë me fëmijë me talente dhe fëmijë me nevoja të veçanta.

“100 asistentë më shumë për fëmijët me nevoja të veçanta (viti 2023 përmbyllet me 500 asistentë). Bëmë unifikimin e Abetares Kombëtare në bashkëpunim me Republikën e Shqipërisë. Finalizuam dhe botuam tekstin e Gjuhës shqipe, niveli i parë për fëmijët në mërgatë. Filluam pilotimin e arsimit dual për 4 profile: murator, floktar, kuzhinier dhe asistent i mikpritjes hoteliere, në 5 shkolla profesionale dhe 3 komuna”, ka shkruar ai.

Ndërkaq, Kurti ka përmendur se Kosova u bë anëtare me të drejta të plota në programin Horizon Europe, duke fituara pesë projekte në vlerë rreth 600 mijë euro.

Ndër të tjera, Kurti në takim me kryetarët e qendrave të LVV-së të shtunën e 7 janarit, ka deklaruar se “për 2 vjet qeverisje në Kosovë nuk ka korrupsion”.

“Në mars të këtij viti, bëhen 2 vite të qeverisjes së mirë me Republikën, pa korrupsion, me investime në rritjen e mirëqenies qytetare, me reformat rrënjësore në të gjithë sistemin institucional të Republikës tonë, e me përfaqësim dinjitoz si asnjëherë më parë në politikën e jashtme”, ka deklaruar ai.

Kujtojmë se, Kurti, më 22 dhjetor 2022, i ka falënderuar të gjithë deputetët e Kuvendit të Kosovës, të cilët i mbështetën Ligjin për Zyrtarët Publikë dhe atë për Pagat në Sektorin Publik.

Kurti kishte thënë se përmes këtyre ligjeve, të cilat janë i njëjti projekt, do të ngritet profesionalizmi në administratën publike.

Ndryshe, kryeministri Kurti, në konferencë për media më 24 dhjetor 2022, së bashku me ministren e Ekonomisë, Artane Rizvanolli, kishte deklaruar se nga masat e marra në kuadër të përballjes së krizës energjetike, Kosova ka arritur të ulë konsumin e energjisë elektrike mbi 8 për qind krahasuar me vitin 2021.

Shija e redaktorit

Libraria “Dukagjini” fiton çmimin FIDES 2022 për kontributin korporativ

Libraria "Dukagjini" ka marrë të mërkurën e 18 janarit çmimin FIDES 2022 për kontribut korporativ. Ky çmim librarisë "Dukagjini", ju dha për kontributin e vazhdushëm...

Libraria Dukagjini vjen me “BookFest” në Albi Mall

Libraria “Dukagjini” dhe “Albi Mall” kanë bashkuar forcat për një superfestë të librit, me shumë aktivitete e superatmosferë. Për dhjetë ditë me BookFest-in e librarisë...

Arti dhe kultura janë letërnjoftim nacional

Selman Jusufi, i cili ka studiuar Artin dramatik në Universitetin e Prishtinës, nga viti 1973 deri më 1985, ka qenë i angazhuar në Teatrin...

Më të lexuarat

“Për shkak të Qeverisë Kurti 1, djali im nuk do...

Ish-ministrja e Kulturës Rinisë dhe Sportit, Vlora Dumoshi, në emisionin ‘Personale’ me Krenare Vokshi-Shala, ka treguar se si djali i saj, Rroni, i cili...

Lajçak ‘befason” thotë se me Kurtin kanë rënë dakord që...

I dërguari i posaçëm i Bashkimit Evropian për dialogun Miroslav Lajçak, ka njoftuar nëpërmjet rrjetit të tij social se është në Kosovë, për të...

Gjendet pa shenja jete një person në Gjakovë

Policia e Kosovës ka njoftuar se është gjetur një person pa shenja jete në shtëpinë e tij në Gjakovë. Në raportin 24-orësh thuhet se njësitë...

Të fundit nga rubrika