Kryeministri i Kosovës, Albin Kurti, të martën e 7 qershorit është takuar me Sekretaren britanike për Punë të Jashtme, Liz Truss.
Përmes një postimi në Twitter, Truss ka treguar për temat që kanë diskutuar në takim.
“Diskutuam për forcimin e marrëdhënieve tona dypalëshe, veprimet kundër pushtimit ilegal të Ukrainës nga Rusia dhe sfidat e ndikimit keqdashës në Ballkanin Perëndimor”, ka shkruar Truss.
Great to meet Prime Minister of Kosovo @albinkurti. We discussed:
👉 Strengthening our bilateral relationship 🇬🇧🇽🇰
👉 Galvanising action against Russia’s illegal invasion of Ukraine
👉 Challenging malign influence in the Western Balkans pic.twitter.com/QslDip6msL
— Liz Truss (@trussliz) June 7, 2022
Ndryshe, Kurti të hënën, ka udhëtuar në Britani të Madhe.
Shefi i ekzekutivit, gjatë ditës së djeshme ka mbajtur një ligjëratë të hapur në Unionin e Oksfordit.
Kurti në Unionin e Oksfordit ka deklaruar se Kosova mund të lulëzojë pavarësisht mosnjohjes së pavarësisë nga Serbia.
Kurti: Republika jonë mund të lulëzojë pavarësisht nga mosnjohja e pavarësisë nga Serbia
Ndryshe, Kurti ishte takuar me Sekretaren Truss në shkurt të këtij viti.