Kurti nga Vushtrria: Për zhvillimet në veri përgjigjemi në Prishtinë

Kryeministri i Kosovës, Albin Kurti

Kryeministri i Kosovës, Albin Kurti, ka vizituar Akademinë e Kosovës për Siguri Publike në Vushtrri, nga atje ai nuk ka dashur të flasë për zhvillimet në veri.

Kurti për RTK-në ka thënë shkurt që për zhvillimet në veri do të flasë në Prishtinë.

Ndërkaq, nuk dihet nëse pritet ndonjë konferencë për media në Prishtinë për situatën e tensionuar në veri të Kosovës.

Kryetari i ri i Zveçanit, Ilir Peci, ka mbetur i bllokuar brenda objektit të kësaj komune.

Ndërsa, ministri i Punëve të Brendshme, Xhelal Sveçla, pritet të shkojë në komunën e Zveçanit. Burime të RTV Dukagjinit bëjnë të ditur se ai tashmë është rrugës për atje.

Ekipet e RTV Dukagjini që po raportojnë nga vendi i ngjarjes në Zveçan, kanë thënë se Peci është brenda objektit së bashku me katër zyrtarë policorë.

Po ashtu, mediat nuk janë lejuar të afrohen atje, pasi rrezikshmëria është e lartë që të afrohen afër objektit.

Më herët, në Zveçan ka pasur edhe përleshje në mes të serbëve të mbledhur dhe Policisë së Kosovës, ku janë dëgjuar edhe të shtëna armësh. E njëjta ka ndodhur edhe në Zubin Potok.

Kryetari i Zubin Potokut ka arritur të futet brenda objektit të komunës nën përcjelljen e zyrtarëve të Policisë së Kosovës.

Pesë policë me lëndimet të lehta trupore pas trazirave në Zveçan 

Shija e redaktorit

Vetëm në muajin shkurt mërgata ka dërguar 87.9 milionë euro

Banka Qendrore e Republikës së Kosovës, sipas kalendarit të publikimeve, ka prezantuar statistikat për institucionet e tjera financiare për muajin shkurt 2024, të remitancave...

Ndahen 8 milionë euro për 11 komuna

Ministri i Administrimit dhe Pushtetit Lokal(MAPL), Elbert Krasniqi, ka njoftuar se janë ndarë 8 milionë euro në 11 Komuna. Ministri Krasniqi, bashkë me kryetarët e...

Kosova një hap më afër anëtarësimit në Këshill të Evropës

Komiteti për Politikë dhe Demokraci i Këshillit të Evropës ka miratuar raportin e raportueses për Kosovën, Dora Bakoyannis, ku rekomandohet që shteti ka përmbushur...

Të fundit nga rubrika