Kusari-Lila: Zgjidhja për targat është çështje orësh

Shefja e GP të VV-së, Mimoza Kusari-Lila, ka thënë se gjetja e një zgjidhjeje për targat është vetëm “çështje orësh”

Shefja e Grupit Parlamentar të VV-së, Mimoza Kusari-Lila. FOTO:EO





Shefja e Grupit Parlamentar të Lëvizjes Vetëvendosje (LVV), Mimoza Kusari-Lila, ka thënë se gjetja e një zgjidhjeje për çështjen e targave është çështje orësh.

Kusari-Lila në diskutimin me temën “Momentumi i ri në raportet Kosovë – Serbi: Cila është rruga përpara?”, e organizuar nga Instituti Demokratik i Kosovës, ka thënë se zëvendëskryeministri, Besnik Bislimi dhe ndërmjetësuesi i BE-së për dialogun, Miroslav Lajçak e kanë marrë me shumë seriozitet zgjidhjen e çështjes së targave.

“Sa i përket marrëveshjes për targat unë jam e informuar që janë duke e marrë shumë seriozisht, dhe ka pasur shkëmbime mes Bislimit dhe ndërmjetësit të BE-së. Po besoj që është çështje orësh, të mos them ditësh, se kanë mbetur pak me daljen e një zgjidhjeje”, ka thënë Kusari, raporton EO.

Ndryshe, edhe më herët, Kreu i Qeverisë së Kosovës, Albin Kurti, në një konferencë për media në Estoni i pyetur nga gazetarët për çështjen e targave ka thënë se mbetet të shihet në të ardhmen se sa të suksesshme do të jenë negociatat e reja me Serbinë.

“Zëvendëskryeministri im i parë është në bisedime të rregullta dhe intensive me Brukselin për ta zgjidhur këtë çështje. Janë 9 mijë vetura me targa ilegale, pra është një pakicë ekstreme brenda shumicës serbe që po refuzojnë këto targa. Jemi duke bërë çmos për ta mbajtur ligjshmërinë dhe kushtetutshmërinë nga njëra anë dhe paqen e sigurinë nga ana tjetër”, ka deklaruar Kurti.

Ai ka thënë se qasja e Beogradit për dialog është dekonstruktive, pasi edhe vetë Beogradi sipas tij ka urdhëruar dorëheqjen e serbëve nga institucionet e Kosovës.

“Jemi duke bërë çmos për të mbajtur ligjshmërinë dhe kushtetutshmërinë, unë jam optimist, por qasja e Beogradit ka qenë mjaft destruktive. Në ditët e ardhshme do të shohim se sa të suksesshme do të jenë negociatat e reja”.

Kurti për targat: Do të shohim se sa të suksesshme do të jenë negociatat e reja





Shija e redaktorit

Vetëm në muajin shkurt mërgata ka dërguar 87.9 milionë euro

Banka Qendrore e Republikës së Kosovës, sipas kalendarit të publikimeve, ka prezantuar statistikat për institucionet e tjera financiare për muajin shkurt 2024, të remitancave...

Ndahen 8 milionë euro për 11 komuna

Ministri i Administrimit dhe Pushtetit Lokal(MAPL), Elbert Krasniqi, ka njoftuar se janë ndarë 8 milionë euro në 11 Komuna. Ministri Krasniqi, bashkë me kryetarët e...

Kosova një hap më afër anëtarësimit në Këshill të Evropës

Komiteti për Politikë dhe Demokraci i Këshillit të Evropës ka miratuar raportin e raportueses për Kosovën, Dora Bakoyannis, ku rekomandohet që shteti ka përmbushur...

Të fundit nga rubrika