Kuvendi i Kosovës ka thirrur sot seancë plenare për zgjedhjen e Qeverisë së re.
Seanca është caktuar të nisë në orën 14:00, ku deputetët pritet të shqyrtojnë dhe të votojnë për përbërjen e ekzekutivit të ri.
Kuvendi ka bërë të ditur se seanca do të nisë në ora 14:00.
Ndryshe,
Ushtruesja e detyrës së presidentes, Albulena Haxhiu ka njoftuar se ka caktuar Albin Kurtin për mandatar për formimin e Qeverisë, pas propozimit të Lëvizjes Vetëvendosje.
“Në përputhje me Kushtetutën e Republikës së Kosovës dhe pas propozimit të Lëvizjes VETËVENDOSJE!, kam caktuar z. Albin Kurti mandatar për formimin e Qeverisë së Republikës së Kosovës. Z. Kurtit i uroj sukses në ushtrimin e përgjegjësive që burojnë nga besimi i qytetarëve, si dhe në formimin sa më të shpejtë të Qeverisë, në shërbim të Republikës së Kosovës dhe qytetarëve të saj”, ka shkruar ajo.
Më herët, Arbërie Nagavci ka thënë se në cilësinë e Kryesueses së Këshillit të Përgithshëm të Lëvizjes Vetëvendosje i ka dorëzuar Haxhiut propozimin për caktimin e Kurtit për mandatar për formim të Qeverisë.
“Bazuar në vullnetin qytetar të shprehur në zgjedhjet e 7 qershorit 2026 dhe në përputhje me Kushtetutën e Republikës së Kosovës, vazhdojmë me përgjegjësi institucionale drejt formimit të Qeverisë së re”, ka shkruar ajo.
Vetëvendosje propozon Albin Kurtin mandatar për formimin e Qeverisë