I dërguari i posaçëm i Bashkimit Evropian, Miroslav Lajçak ka reaguar pas marrëveshje në mes të Kosovës dhe Serbisë për targat e paligjshme “KM”.
Lajçak e ka konfirmuar se ndihma Shteteve të Bashkuara të Amerikës, kishte qenë jetike për të arritur këtë marrëveshje.
“Një falënderim të madh për Departamentin e Shtetit Amerikanë dhe diplomacinë amerikane për mbështetjen e çmuar”, ka shkruar në Twitter Lajçak.
Më tej, ai ka falënderuar edhe zëvendëskryeministrin e Kosovës, Besnik Bslimi dhe homologun e tij serb Petar Petkoviq.
My thanks tonight go to @BislimiBesnik and @PetkovicPetar for their constructive engagement today. And a big thanks to @StateDept and the US diplomacy for their invaluable support! https://t.co/wEJUDbX61H
— Miroslav Lajčák (@MiroslavLajcak) November 23, 2022
“Falënderimet e mia sonte shkojnë në Besnik Bislimin dhe Petar Petkoviqin për angazhimin e tyre konstruktiv sot”, ka shtuar ai.
Presidentja e Kosovës, Vjosa Osmani, është shprehur e lumtur pas arritjes së marrëveshje në mes të Kosovës dhe Serbisë për çështjen e targave në Bruksel. Ajo për këtë sukses ka shprehur mirënjohjen për Ambasadorin e Shteteve të Bashkuara të Amerikës në Kosovë, Jeff Hovener.
“Dua të falënderoj ambasadorin Jeff Hovenier dhe Qeverinë Amerikane për angazhimin e tyre aktiv në arritjen e marrëveshjes së sotme në Bruksel”, ka shkruar në Twitter Osmani.
“Mbështetja e tyre për procesin e dialogut mes Kosovës dhe Serbisë është e domosdoshme”, ka theksuar ajo.