Zëdhënësi i Qeverisë, Arlind Manxhuka, ka reaguar pas vendimit të Gjykatës Themelore në Prishtinë, e cila e dënoi atë me një vit e gjashtë muaj burgim për veprën “nxitje e përçarjes”.
Manxhuka ka theksuar se ndikimi i Serbisë në veri është dobësuar dhe se, sipas tij, strukturat kriminale atje janë çmontuar gjatë mandatit të qeverisë aktuale.
“Ndikimi i Serbisë në veri, bandat kriminale atje janë shpartalluar. Ajo që jo që nuk u bë, por që u stimulua për mbi 20 vjet, u luftua dhe u çmontua për vetëm një mandat”.
Ai ka shtuar se kanë qenë të vetëdijshëm për prishjen e interesave të caktuara.
“Natyrisht, kemi qenë të bindur që do të prishen shumë interesa. Por, jemi ballhapur, pjesa që nisi të cilësohej ‘Dhuratë e Rankoviqit’ po merr jetë si kurrë më parë si mrekulli e bukuri e Republikës së Kosovës. Përpara. Vazhdojmë”, ka shkruar Manxhuka.
Pas lirimit nga paraburgimi të Dejan Pantiq, i cili në dhjetor 2022 dyshohej për përfshirje në një rast të veprës terroriste, deputeti i Lëvizjes Vetëvendosje, Egzon Azemi, kishte shpërndarë në atë kohë një citat “tradhtarët, plumbin e kanë hak”.
Ndërkohë, Manxhuka, kishte reaguar duke e cilësuar lirimin si “akt tradhtie”.
Azemi: Turp atyre që lirojnë kriminelët serbë e na dënojnë neve për reagim