Mbetjet e tre trupave të vrarë gjatë luftës pritet t’i dorëzohen Serbisë

Policia e Kosovës në Merdarë në kufirin ndërmjet Kosovës dhe Serbisë të mërkurën, më 28 dhjetor 2022, AP.

Mbetjet e tre trupave të shtetasve serbë të vrarë në luftën e fundit në Kosovë pritet t’u dorëzohen autoriteteve serbe të martën në pikën kufitare në Merdarë.

Kështu ka thënë për Dukagjinin, Ditor Haliti, drejtor i Institutit të Mjekësisë Ligjore (IML).

Haliti gjithashtu ka theksuar se mbetjet e trupave që do të dorëzohen sot janë mbajtur në Institut që nga përfundimi i luftës, por ka pasur probleme me identifikimin e tyre.

Sipas tij, ata ishin në mesin e 280 trupave të paidentifikuar në morgun e Prishtinës.

Gjatë luftës së viteve 1998/99 në Kosovë janë vrarë rreth 13 mijë persona, 10 mijë e 794 shqiptarë, 2 mijë e 119 serbë, ndërsa pjesa tjetër i përkasin grupeve tjera etnike.

Nga rreth 6 mijë persona të zhdukur me forcë në atë kohë, më shumë se 1 mijë e 600 persona mbeten të zhdukur sot.

Ndonëse pati pajtim në takimin në Bruksel në mes të kryeministrit të Kosovës, Albin Kurti dhe presidentit të Serbisë, Aleksandër Vuçiq për çështjen e të Zhdukurve gjatë luftës së fundit në Kosovë, miratimi i kësaj deklarate ngjalli mjaft reagime e polemika në opinionin publik.

Kjo deklaratë në të cilët palët janë pajtuar të angazhohen për zbardhjen e fatit të personave të zhdukur nga lufta e fundit në Kosovë detyron Serbinë të marrë përsipër hapjen e arkivave përfshirë edhe dokumentat e klasifikuara, mbi vendndodhjen e personave të zhdukur.

Deklarata për të Zhdukurit – “Pak optimizëm se Serbia do ta bëjë hapjen e arkivave në mënyrë transparente”

Shija e redaktorit

Nga shtatë shkolla të premtuara në kryeqytet, në shtator hapen...

Ka kohë që është premtuar e as shtatori i këtij viti, nuk do t’i gjejë banorët e lagjes “Sofalia” me një shkollë të re. E...

Plenkoviq: S’pyesim as Serbinë, as NATO-n për marrëveshje me Kosovën...

Kryeministri i Kroacisë, Andrej Plenkoviq, ka deklaruar se marrëveshja e fundit ushtarake mes Kroacisë, Shqipërisë dhe Kosovës nuk kërkon miratimin e Serbisë apo NATO-s,...

26 vjet nga nënshkrimi i Marrëveshjes në Paris

Sot bëhen 26 vjet që nga dështimi i arritjes së ndonjë marrëveshje në mes Kosovës dhe Serbisë në Paris. Delegacioni kosovar dhe ai serb...

Të fundit nga rubrika