Hekuran Murati nga Lëvizja Vetëvendosjeka ka paralajmëruar për pasoja të shumta për shkak të mos-konstituimit të Kuvendit të Kosovës, duke fajësuar opozitën për bllokimin e këtij procesi.
Sipas tij, në mungesë të një Kuvendi funksional, Qeveria nuk ka mundësi ta dorëzojë Kornizën Afatmesme të Shpenzimeve, e cila duhet t’i dorëzohet Kuvendit jo më larg se data 30 prill.
“Ngjashëm është puna edhe me Komisionin për Grante Komunale, ku ligji e kërkon pjesëmarrjen edhe të Kryetarit të Komisionit Parlamentar për Buxhet – në mungesë të Kuvendit funksional, nuk ka as Komision për Buxhet dhe s’ka kush të marrë pjesë në Komisionin e Granteve, gjë që e vonon edhe ndarjen e granteve komunale”, ka shkruar Murati në Facebook.
Ai ka theksuar se kjo situatë po e vonon edhe ndarjen e granteve për komunat, duke i bërë thirrje opozitës që të tërhiqet nga bllokada dhe të ndihmojë në konstituimin e Kuvendit.
“Prandaj është e domosdoshme që partitë opozitare të heqin dorë nga bllokada dhe të ndihmojnë konstituimin e Kuvendit sa më parë”, ka shtuar Murati.
LEXO EDHE: