Murati për koeficientin e pagave: Nuk po e mbajmë sekret, por janë duke u bërë llogaritjet

Ministri i Financave, Hekuran Murati, në lidhje me vlerën e koeficientit të pagave, ka thënë se nuk është duke u mbajtur i fshehtë nga Qeveria e Kosovës, por që janë duke u bërë llogaritjet në koordinim me informatat që vijnë nga organizatat buxhetore

Ministri i Financave, Hekuran Murati

Ministri i Financave, Hekuran Murati, në një konferencë për media, të cilën e kishte paralajmëruar për të diskutuar për çështjen e tatimit në pronë, është pyetur nga gazetarët edhe për koeficientin e pagave.

Ministri Murati ka thënë se Ligji për paga dhe koeficientët janë duke u përllogaritur, ashtu siç vijnë informatat nga organizatat buxhetore.

” Është duke u përllogaritur, ashtu siç vijnë informatat nga organizatat buxhetore. Momentin kur bëhet mbledhja e këtyre, mund të dihet vlera e koeficientit”, ka thënë Murati.

Ndërsa, i pyetur se a do ta marrin qytetarët pagën me rritje në muajin në vijim, ai ka thënë se ligji për paga nuk e përcakton rritjen e pagave, por koeficientin e pagave, ndërsa ka thënë se rritja e pagave përcaktohet me ligjin për buxhet.

“Rritja e pagave përcaktohet me ligjin për buxhet, Ligji i Pagave i përcakton koeficientët”, ka vijuar ai.

Ndërkaq, për çështjen e tatimit në pronë, Murati ka thënë se faturat e tatimit në pronë janë rritur, pasi tatimi i tokave është bërë duke u bazuar në ligjin që është miratuar në vitin 2018.

Murati: Faturat e tatimit në pronë u rritën si rezultat i ligjit që u miratua më 2018

 

Shija e redaktorit

Shefja e katalunasve në Parlamentin e Spanjës: S’do të ndalemi...

Partia katalunase “Junts per Catalunya” kanë marrë një iniciativë në Parlamentin e Spanjës për t’i kërkuar Qeverisë së Spanjës njohjen e pavarësisë së Kosovës...

Mark Rutte do të jetë në krye të NATO-s

Mark Rutte do të jetë sekretari i ardhshëm i Përgjithshëm i NATO-s, pasi të 32 anëtarët e aleancës ranë dakord që kryeministri holandez në...

Nëna e Leotrimit: Djali im paska qenë i krejt Kosovës

Gjatë së martës, më 18 qershor, që shënonin 25-vjetorin e Ditës së Çlirimit të Skenderajt, është përuruar shtatorja Leotrim Ahmetit, 7-vjeçarit të vrarë gjatë...

Të fundit nga rubrika