Mushkolaj: Nuk shoh realizim të premtimeve nga qeverisja Kurti

Imer Mushkolaj ka folur rreth për punës së qeverisë Kurti, duke u shprehur i zhgënjyer për mosmbajtjen e premtimeve të bëra në disa prej fushave më të rëndësishme

Imer Mushkolaj

Analisti Imer Mushkolaj i ftuar në emisionin ”Debat Plus” me Ermal Pandurin, ka thënë se pas 15 muajve të qeverisjes Kurti, nuk ka parë asnjë mbajtje të premtimeve në fushën e arsimit, shëndetësisë dhe infrastrukturës.

“Kanë kaluar gati 15 muaj të kësaj qeverisjeje të Kurtit, që i bie një e treta e këtij mandati, dhe unë si qytetar nuk po shoh asnjë ndryshim apo realizim të disa drejtimeve të mëdha që i ka dhënë Lëvizja Vetëvendosje, përkundër punëve të përditshme të tyre që duhet të kryhen’’, ka thënë Mushkolaj.

Ai ka numëruar disa nga premtimet e bëra që nuk janë mbajtur ende, të cilat i  ka cilësuar si mjaft shqetësuese për qytetarët.

“Psh nuk po shoh ndërtimin e 40 çerdheve publike në Kosovë, pra asnjë prej tyre nuk ka filluar edhe pse është bërë një e treta e kësaj qeverisjeje, e të mos flasim për fondin sovran, bankën zhvillimore, ngritjen e pagave minimale dhe ende nuk është vendosur përfundimisht ligji për pagat’’, ka theksuar analisti.

Mushkolaj e ka përmendur edhe ministrin e shëndetësisë, Rifat Latifin, duke thënë se edhe përkundër faktit që është një profesor dhe doktor i mirë, nuk ka pasur ndryshime në shëndetësi gjatë menaxhimit të tij.

“Sa i përket çështjes së shëndetësisë, ministri Latifi mund të jetë doktor dhe profesor i mirë, por për çështjet e mëdha të shëndetësisë nuk po shoh vizion të tij në zgjidhjen e problemeve’’, ka shtuar Mushkolaj.

Analisti ka folur edhe për çështjen e infrastrukturës, duke thënë se nuk është bërë asnjë lëvizje sa i përket vazhdimit të punëve në rrugët e Kosovës.

Ndër të tjerash, ai ka theksuar se është mjaft skeptik që në pjesën tjetër të mandatit mund të mbahen pjesa më e madhe e premtimeve, duke thënë se edhe pse Qeveria ka gjetur probleme prej qeverive të kaluara, këto arsyetime mund të bëhen për dy tre muaj e jo për një vjet qeverisje.

Mushkolaj, gjithashtu, është shprehur se për qytetarët e Kosovës duke e cilësuar edhe veten në këtë rast, është mjaft zhgënjyese mosmbajtja e premtimeve për problemet të cilat hasen gjatë jetës së përditshme.

Shija e redaktorit

Hapet Baza Ajrore e NATO-s në Kuçovë të Shqipërisë

Më 4 mars u hap zyrtarisht baza ajrore e NATO-s në Kuçovë, një “investim i madh që do të shërbejë për përmirësimin dhe modernizimin...

Mogherini bëhet me nënshtetësi shqiptare

Kryeministri i Shqipërisë, Edi Rama, i ka ofruar rektores së Kolegjit të Evropës, Federica Mogherini, nënshtetësinë shqiptare. Ai e ka falënderuar për këtë projekt të...

Realizohet fotografia familjare e samitit në Tiranë

Siç e do zakoni, pjesëmarrësit në samitin “Ukrainë-Europa Juglindore”, që po mbahet në kryeqytetin e Shqipërisë, Tiranë, kanë realizuar “fotografinë familjare” Presidenti i Ukrainës,  Vlodymyr...

Të fundit nga rubrika