Kryetari i Gjilanit, Alban Hyseni dhe deputeti nga radhët e Lëvizjes Vetëvendosje (LVV), Luan Aliu, janë ndaluar në Serbi nga autoritetet serbe.
Ende nuk dihet se cilat janë arsyet e ndalimit të tyre, porse është bërë e ditur se ata janë ndaluar dhe nuk po lihen as të vazhdojnë e as të kthehen.
Ndërsa, lajmin për Dukagjinin, e ka konfirmuar Zyra për Media e VV-së.
Ata janë ndaluar te pikëkalimi kufitar, Dheu i Bardhë, nga policët kufitarë serbë, derisa ishin duke kaluar kufirin për në Preshevë.
Sipas raportimeve, Hyseni dhe deputeti Aliu, së bashku me drejtorin e Kadastrës në Gjilan, Bekim Salihu dhe vozitësin e kryetarit, Hajrush Bajrami, ishin duke shkuar për një vizitë në Luginën e Preshevës.