Gjykata Themelore në Prishtinë ka caktuar masën e paraburgimit prej një muaji ndaj tre të dyshuarve për sulmin fizik ndaj gazetarit, Valon Syla.
Kjo pasi gjykata e ka aprovuar kërkesën e Prokurorisë Speciale të Kosovës, për caktim të masës së paraburgimit kundër të pandehurve L.D, K.H dhe O.H, për shkak të dyshimit se kanë kryer veprën penale “Nxitja e përçarjes dhe mosdurimit”.
“Gjykata Themelore në Prishtinë – Departamenti Special ka vendosur lidhur me kërkesën e Prokurorisë Speciale të Republikës së Kosovës për caktimin e masës së paraburgimit në çështjen penale kundër të pandehurve L.D, K.H dhe O.H, për shkak të dyshimit të bazuar se kanë kryer veprën penale ‘Nxitja e përçarjes dhe mosdurimit’ nga neni 141 paragrafi 3 lidhur me paragrafin 1 dhe neni 31 të Kodit Penal të Republikës së Kosovës”, thuhet në njoftim.
Ndryshe, Prokuroria Speciale të enjten ka kërkuar masën e paraburgimit për tre të dyshuarit për sulmin fizik ndaj gazetarit Valon Syla.
Kjo pasi të mërkurën Policia e Kosovës kishte arritur t’i arrestojë tre personat e dyshuar.
Gazetari Valon Syla është sulmuar fizikisht të martën në mbrëmje nga tre persona, të cilët deri më tash nuk janë arrestuar.
Në një përgjigje për Dukagjinin, Syla tha se ishte sulmuar nga “tre islamikë fanatikë”.
“Tre islamikë fanatikë më kanë sulmuar, shpejtë e shpejtë ka ndodhur edhe kanë ikë”, deklaroi ai për Dukagjinin.