Norvegjia ia dorëzon dokumentet e njohjes kryeministrit palestinez

Sot [e diel] Norvegjia ia ka dorëzuar dokumentet e njohjes kryeministrit palestinez në hapin e fundit drejt njohjes zyrtare të një shteti palestinez

AP

Sot [e diel] Norvegjia ia ka dorëzuar dokumentet e njohjes kryeministrit palestinez në hapin e fundit drejt njohjes zyrtare të një shteti palestinez, në një lëvizje kryesisht simbolike që ka zemëruar Izraelin.

Në këtë dokument të dorëzuar tashmë thuhet se njohja do të hyjë në fuqi më 28 maj 2024.

Të mërkurën e kaluar, Irlanda dhe Spanja bënë një zotim të përbashkët me Norvegjinë për të njohur një shtet palestinez, një lëvizje historike që ka rritur izolimin e Izraelit më shumë se shtatë muaj pas fillimit të luftës kundër militantëve të Hamasit në Rripin e Gazës, raporton AP.

Operacionet e ushtrisë izraelite në Gazë pasuan sulmin e Hamasit në Izrael, në të cilin, sipas zyrtarëve izraelitë, u vranë 1200 njerëz dhe u morën peng 250 të tjerë. Sipas Ministrisë së Shëndetësisë në Rripin e Gazës, që kontrollohet nga Hamasi, mbi 35 mijë palestinezë janë vrarë në operacionet ushtarake të Izraelit në Rripin e Gazës.

Zyrtarët e kësaj ministrie nuk bëjnë dallim mes viktimave civile dhe militantëve në shifrat e tyre.

Spanja, Irlanda dhe Norvegjia vendosin ta njohin Palestinën si shtet

Dorëzimi i dokumenteve të njohjes nga ministri i Jashtëm norvegjez Espen Barth Eide për kryeministrin e palestinezëve u bë në Bruksel, ku Mohammad Mustafa u takua edhe me ministrat e jashtëm të vendeve të Bashkimit Evropian dhe zyrtarë të lartë të BE-së për të thelluar mbështetjen e tyre për palestinezët.

Vlen të theksohet se Norvegjia nuk është anëtare e BE-së.

Çfarë rëndësie ka njohja e shtetit palestinez nga Spanja, Irlanda dhe Norvegjia?

 

Shija e redaktorit

Spanja kampione e Evropës për herë të katërt

Ka mbaruar super ndeshja mes Spanjës dhe Anglisë në kuadër të finales së Kampionatit Evropian 2024. Pas një loje fantastike, Spanja ka përmbyllur ndeshjen me...

Spanja në finale, mposht Francën

Kombëtarja e Spanjës ka arritur kualifikimin në finale të Euro 2024, pasi mposhti me rezultat 2:1 kombëtaren e Francës në gjysmëfinale. Në pjesën e dytë...

Ballkani triumfon në ndeshjen e parë kualifikuese në Ligën e...

Ballkani ka fituar 2-1 ndaj Santa Coloman në 1/8 e fazës kualifikuese në Ligën e Kampionëve. Ndeshja nisi me një ritëm të qetë, por që...

Të fundit nga rubrika