“Nuk ka nevojë për raporte shtesë, BE-ja t’i heq masat ndaj Kosovës”

Optimizëm shihet mes pozitës dhe opozitës që Bashkimi Evropian së shpejti do t’i heq masat kundër Kosovës të vendosura vitin e kaluar. Madje, sipas tyre nuk ka më asnjë arsye se pse qytetarët kosovarë të ndëshkohen, kur shteti i cili ka politikë dhe veprime jo konstruktive është Serbia

Njërin nga kushtet që e kishte Kosova që Bashkimi Evropian t’ia heq masat ndëshkuese, e plotësoi.

Tash që procesi i votimit të kryetarëve të rinj dështoi, Shefi i Politikës së Jashtme të BE-së, Josep Borell, u tha se do të përpiloj një raport të parë se si të vazhdohet tutje me masat e vendosura kundër Kosovës.

Por, sipas ligjvënëse të Kuvendit të Kosovës, nuk ka nevojë për të tilla dokumente që të hiqen masat që BE-ja i vendosi ndaj Kosovës.

“Ne kemi bërë mbrojte të institucioneve dhe “krimi” sipas BE-së ka qenë se ne kemi dërguar kryetarët tanë nëpër godinat komunale. Megjithatë ajo ka ndodhur por nuk ka qenë ndonjë vepër penale dhe për këtë BE s’ka nevojë që të përpiloj më raporte po veç të vendos t’i heq masat, gjendja në terren tashmë dihet, atje edhe KFOR-i është hequr nga godinat e komunave në veri të vendit, duke ditur që siguria është e plotë”, ka thënë deputeti i Lëvizjes Vetëvendosje, Dimal Basha.

“Shpresojmë që masat kundër Kosovës të hiqen sa më shpejt dhe t’i vendosen shtetit të Serbisë e cila ka qenë dhe mbetet destruktive në gjitha marrëveshjet si atë të Brukselit edhe atë të Ohrit”, ka thënë deputeti i Partisë Demokratike të Kosovës (PDK), Rashit Qalaj.

Ndërkohë, në deklarimet e shteteve gjatë së hënës në Këshillin e Sigurimit, ishte shteti i Francës që kërkoi që pavarësisht votimeve të mbajtura të dielën në komunat veriore, kryetarët aktual që të japin dorëheqje.

Mirëpo, sipas partisë në pushtet, dështimi i votimeve kundër apo pro kryetarëve veriut ka ndodhur si pasojë e presionit nga Lista Serbe.

Qeveria e Kosovës i ka bërë thirrje BE-së t’i heq masat e vendosura sepse sipas tyre, me mbajtjen e votimit në veri, janë plotësuar kushtet për këtë.

Shija e redaktorit

Nga sot shqiptarët udhëtojnë pa viza drejt Azerbajxhanit

Nga dita e sotme qytetarët e Shqipërisë me pasaporta të rregullta mund të udhëtojnë pa viza drejt Azerbajxhanit. Ambasadori i Azerbajxhanit në Shqipëri, Anar Huseynov...

Tre oficerë të FSK-së diplomojnë në Kolegjin CGSC të ushtrisë...

Oficerët e Forcës së Sigurisë së Kosovës(FSK), majorët Alban Bunjaku, Agron Murati dhe Alban Bujupi, pas studimeve njëvjeçare, diplomuan me sukses të lartë në...

Peja dhe Ulqini nënshkruajnë marrëveshjen e binjakëzimit si qytete

Kryetari i Pejës, Gazmend Muhaxheri ka pasur një mysafir të veçantë në zyrën e tij të shtunën. Ai priti me nderime kryetarin e Ulqinit, Genc...

Të fundit nga rubrika