Oda e Avokatëve të Kosovës ka shprehur shqetësimin e saj pas vendimit të Qeverisë së Republikës së Kosovës për uljen e pagave të gjyqtarëve dhe prokuorëve gjersa i ka bërë thirrje kësaj të fundit, që ta trajtoj me seriozitet këtë çështje.
Përmes një komunikate, Oda e Avokatëve ka thënë se me një vendim të tillë, rrezikohet rënia e numrit të të interesuarve për të punuar në këto pozita, që nënkupton se pasojat e tilla do të bien në kurriz të qytetarit.
“Pushteti Ekzekutiv, duhet të mbështes pa kushtimisht sistemin e drejtësisë pa dallim, e veçanërisht të krijoj politika që ky sistem të ketë pavarësi financiare. Duhet theksuar se zbritja e pagave për Gjyqtarë dhe Prokuror nënkupton kthim prapa, derisa do të shtohet rreziku i rënies së të interesuarve për të punuar në këto pozita, që nënkupton se pasojat e tilla do të bien në kurriz të qytetarit, sepse mund të ketë rënie edhe të efikasitetit dhe vullnetit e përkushtimit në punë”, ka deklaruar Oda.
Krahas kësaj, është theksuar nga ana e tyre se është detyrim i Shtetit që të ofroj garanci për krijimin e kushteve ligjore dhe financiare për një sistem të drejtësisë sa më efikas dhe më të mirë të të drejtave të qytetarëve.
Oda e Avokatëve të Kosovës, bënë thirrje Qeverisë së Republikës së Kosovës që ta trajtoj me seriozitet këtë çështje, pasi që paga është e drejtë themelore e secilit individ dhe e cila duhet të jetë e përputhshme me përgjegjësitë e secilit, ashtu që Gjyqtarët dhe Prokurorët meritojnë të kenë paga të dinjitetshme.
Këshilli Gjyqësor i Kosovës ka vendosur që të reduktojë shërbimet në gjykata dhe të pezullojë çdo bashkëpunim apo aktivitet ku prezentë janë përfaqësues të Qeverisë.
Një veprim i tillë vie për shkak të vendimit të fundit për uljen e pagave të gjyqtarëve dhe prokurorëve. Njëjtë ka veprur edhe KPK-ja.
Në mbledhjen e Qeverisë u miratua vendimi për ndryshimin dhe plotësimin e vendimit të ish-Qeverisë Haradinaj për rritjen e pagave të gjyqtarëve dhe prokurorëve.
Pas vendimit për uljen e pagave, Gjykatat reduktojnë punën dhe pezullojnë bashkëpunimin me Qeverinë