Presidentja e Kosovës, Vjosa Osmani në margjinat e samitit të parë në Pragë të Çekisë ka thënë se përkushtimi i Kosovës është për një të ardhme euroatlantike.
“Krahas liderëve nga mbarë Evropa në samitin inaugurues të Komunitetit Politik Evropian për të shprehur përkushtimin tonë për paqe të qëndrueshme dhe të ardhmen tonë euroatlantike”, ka shkruar në Facebook, Osmani.
Presidentja e Kosovës, Vjosa Osmani, para nisjes së Samitit të Komunitetit Politik Evropian i cili po zhvillohet në Pragë të Çekisë, ka thënë se Evropa po përballet me sfida të mëdha, por sipas saj nëse qëndrojnë të bashkuar do të arrihet suksesi.
Ajo ka theksuar se në margjina të këtij samiti do të takohet me liderë të Evropës.
“Jam këtu në emër të Republikës së Kosovës, ta përfaqësoj shtetin tim në këtë platformë të re e të rëndësishme. Ka mundësi të barabartë të dëgjohet zëri ynë, idetë dhe veprimet për t’u përballur me këto sfida. Shikoj para të marr pjesë në këtë mbledhje dhe do të kem edhe takime bilaterale me liderët e Evropës. Ajo që po përballemi është sfidë e madhe, por nëse qëndrojmë të bashkuar, do të jemi në gjendje të kemi sukses’, ka thënë Osmani, shkruan KP.
Osmani në Samitin e Pragës: Po përballemi me sfida por të bashkuar do t’ia dalim