Osmani për demarkacionin me Malin e Zi: Politikanët e kanë thënë fjalën e tyre, tash është koha e ekspertëve

Presidentja e Kosovës, Vjosa Osmani, ka deklaruar se për demarkacionin në mes të Kosovës dhe Malit të Zi, duhet të flasin ekspertët e fushës dhe jo politikanët

Presidentja e Kosovës, Vjosa Osmani

Presidentja e Kosovës, Vjosa Osmani, gjatë vizitës së saj në Malin e Zi, ka thënë se për cështjen e Malit të Zi, duhet të flasin ekspertët e fushës, sipas saj politikanët tashmë e kanë thënë fjalën e tyre.

Këtë deklaratë presidentja Osmani e tha, në Samitin e Demokracisë të Evropës Juglindore me temën “Lufta në Evropë: Ndikimi në Ballkan”, që po mbahet në shtetin e Malit të Zi.

“Politikanët nuk do të flasin më, ekspertët do të krijojnë një komision të përbashkët për të vendosur kufirin. Tashmë u takon ekspertëve që të vazhdojnë punën, jo politikanëve që e përfunduan punën duke ratifikuar dokumentet”, ka thënë Osmani, sipas portalit malazez CDM.

Presidentja e Kosovës, Vjosa Osmani

Gjatë vizitës së tij në Kosovë, më 18 maj të këtij viti Presidenti i Malit të Zi, Milo Gjukanoviq, kishte thënë se shteti të cilin e përfaqëson nuk dëshiron që të ketë asnjë problem me shtetin e Kosovës.

Gjukanoviq nuk e kishte përjashtuar mundësinë për korrigjimit, ai kishte deklaruar se do të krijojnë kushte për korigjime që sipas tij do të kontribuonin që demarkimi i kufirit të jetë i logjikshëm.

Ndërkaq kryeministri shqiptar i Malit të Zi, Dritan Abazoviq, në një deklaratë të tij kishte thënë se cështja e demarkimit në mes të dy vendeve tashmë është temë ë mbyllur.

“Në këtë moment nuk e shoh atë mundësi, as dikush në Mal të Zi atë nuk e trajton si problem. Për Malin e Zi, ajo është çështje e mbyllur në momentin kur është nënshkruar”, kishte deklaruar thënë ai.

Dritan Abazoviç, zëvendëskryeministër i Malit të Zi

Ratifikimi i marrëveshjes për demarkimin e kufirit me Malin e Zi, ishte miratuar në vitin 2018 në Kuvendin e Kosovës.

Në atë kohë, thuhej se, miratimi i demarkacionit  nga Kuvendi i Kosovës është kusht për liberalizimin e vizave për qytetarët e Kosovës. Por, edhe pse u miratua në Kuvend me shumicën e nevojshme të votave, Kosova ende nuk i ka te liberalizuara vizat.

Shija e redaktorit

Spanja në finale, mposht Francën

Kombëtarja e Spanjës ka arritur kualifikimin në finale të Euro 2024, pasi mposhti me rezultat 2:1 kombëtaren e Francës në gjysmëfinale. Në pjesën e dytë...

Ballkani triumfon në ndeshjen e parë kualifikuese në Ligën e...

Ballkani ka fituar 2-1 ndaj Santa Coloman në 1/8 e fazës kualifikuese në Ligën e Kampionëve. Ndeshja nisi me një ritëm të qetë, por që...

Blinken duartroket rolin e Osmanit për hapjen e qendrës rajonale...

Sekretari amerikan i Shtetit, Antony Blinken, ka vlerësuar rolin e presidentes së Kosovës, Vjosa Osmani, në hapjen e qendrës rajonale “Gratë, Paqja dhe Siguria”...

Të fundit nga rubrika