Presidentja e Kosovës, Vjosa Osmani ka përkujtuar 24-vjetorin e Masakrës në Rogovë të Hasit, të dielën e 29 janarit.
“Sot, në 24-vjetorin e masakrës në Rogovë të Hasit, i përkujtojmë dëshmorët e rënë në këtë zonë, luftëtarë të Ushtrisë Çlirimtare të Kosovës si dhe martirët e rënë si qytetarë të paarmatosur, të cilët makineria vrasëse serbe nuk i kurseu”, thuhet në njoftimin e Presidencës.
Tutje Osmani ka shtuar se “me heroizmin e qëndresën e tyre ata i përforcuan themelet e Kosovës. Ne do t’u jemi mirënjohës përjetë e do t’i përkulemi gjithmonë heroizmit të tyre”.
“I përjetshëm kujtimi për ta!”, ka theksuar presidentja Osmani.