Presidentja e Kosovës, Vjosa Osmani, ka pritur sot në Prishtinë ministrin e Punëve të Jashtme të Bosnjë e Hercegovinës, Elmedin Konaković.

Përmes një postimi në Facebook, Osmani bëri të ditur se Konaković e ka pranuar ftesën e saj për të marrë pjesë në Forumin Ndërkombëtar për Gratë, Paqen dhe Sigurinë.

“Kjo vizitë e rëndësishme dëshmon rëndësinë e dialogut dhe bashkëpunimit për paqen dhe stabilitetin në rajon”, ka shkruar presidentja Osmani.