Presidentja e Kosovës, Vjosa Osmani, të enjten e pesë janarit do të takohet me të dërguarin e posaçëm të Mbretërisë së Bashkuar për Ballkanin Perëndimor, Lord Stuart Peach.

Takimi do të nisë në orën 15:00, thuhet në njoftimin e presidencës.

“Në orën 15:00, Presidentja e Republikës së Kosovës, Vjosa Osmani pret në takim të Dërguarin e Posaçëm  të Britanisë së Madhe për Ballkanin Perëndimor, Lord Stuart Peach”, thuhet në njoftim.

Ndryshe, Stuart Peach do të takohet edhe me kryeministrin e Kosovës, Albin Kurti.

Kështu është bërë e ditur në njoftimin e zyrës së kryeministrit ku theksohet se takimi do të zhvillohet në orën 16:00.

“Kryeministri i Republikës së Kosovës, Albin Kurti, pret në takim Lord Stuart Peach, i Dërguar i Posaçëm i Mbretërisë së Bashkuar për Ballkanin Perëndimor”, thuhet në njoftim.

Kurti të enjten pret në takim emisarin Stuart Peach