Pas tragjedisë që goditi Himarën, plazha e Potamit është e zbrazët.
Gazetaraja Esmeralda Keta, e cila ishte dëshmitare në ngjarjen e rëndë, ka sjellë pamje të këtij plazhi.
“Mëngjes i trishtë sot në Potam… Një kukull që pret vajzën e vogël të luajë me të, një lule për lulejetën e re që nuk e mbrojtëm dot, rrobat e familjarëve ende mbi shezlong dhe plazhi krejtësisht i braktisur…”, shkruan Esmeralda Keta në Facebook.
Postimi i gazetares vazhdon duke thënë, “ikën të gjithë, ikën të shpëtojnë fëmijët e tyre, sepse nuk ditëm t’u krijojmë një vend të sigurtë”.
“Sot të gjithë jemi fajtorë, e pafajshmja u bë engjëll”, përfundon gazetarja.
Të enjten mbahet protestë për vdekjen tragjike të fëmijës në Himarë