Real Madridi u ka dhënë lamtumirën lojtarëve të panumërt të rëndësishëm gjatë gjithë viteve. Kohët e fundit, ata kanë parë të largohen Cristiano Ronaldo, Sergio Ramos, Marcelo dhe Gareth Bale.
Casemiro është vetëm i fundit, por braziliani lë një boshllëk ndoshta më të madh se ndonjë largim tjetër. Largimi i tij do të ndihet nga klubi.
Në të kaluarën, Real Madrid ka pësuar humbje të ngjashme, veçanërisht me shitjet e Fernando Redondo, Claude Makelele dhe Xabi Alonso.
Tani, si atëherë, ata kanë humbur një pjesë jashtëzakonisht të rëndësishme të mesfushës së tyre, dhe një që është e vështrirë e zëvendësueshme, dy mundësi janë që mund t’i përafrohen Casemiros është Fede Valverde dhe Camavinga.
Në vitin 2000, Fernando Redondo u shit për 3,000 milionë peseta. Ai ishte një figurë udhëheqëse pasi ata fituan Ligën e tyre të shtatë dhe të tetë të Kampionëve dhe përfunduan një qëndrim gjashtëvjeçar në klub.
Klubi pretendoi se ishte dëshira e vetë lojtarit për t’u larguar, megjithëse vetë Redondo tha se “nëse presidenti do të kishte telefonuar dhe do të thoshte se nuk donte të më shiste, unë nuk do të largohesha”.
Claude Makelele nënshkroi për të mbushur krahun e majtë të fushës.
Por tre vjet më vonë francezi u shit. Ai u largua sepse nuk ndihej i vlerësuar në klub, duke shpjeguar se klubi kishte “premtuar një rritje, por më pas nënshkroi [David] Beckham dhe më tha se nuk ishte më e mundur”, shkruan Marca.
Kështu që mesfushori kaloi te Chelsea në vitin 2003, dhe dhoma e zhveshjes nuk ishte e kënaqur që ai u lejua të vazhdonte, veçanërisht ata që luanin përkrah tij në mesfushë dhe më së shumti Zinedine Zidane.
Dalja e tij shkaktoi një krizë dhe mungesa e tij u ndje shumë në fushë. Los Blancos shpenzoi mbi 100 milionë euro duke u përpjekur ta zëvendësonte atë përpara se të nënshkruante Xabi Alonso.
Duke u bashkuar në vitin 2009 si pjesë e një epoke të re të galaktikëve, Alonso u bë një lojtar kyç në Madrid dhe ishte një udhëheqës i vërtetë i ekipit.
Me të në qendër të mesfushës, ata u kthyen në pushtimin e Evropës dhe fituan, më në fund, La Decima.
Por më pas u largua në vitin 2014 për te Bayern Munich. Këtë herë Real Madridi ishte pak më i përgatitur, pasi kishte nënshkruar me Toni Kroos dhe më pas me Casemiron, i cili do të bënte gati të harrohej se mungonte spanjolli.
Dhe tash me kalimin e fuqisë së meshfushës së Real Madridit te Man United, spanjollët do ta kenë vështirë deri sa të gjejnë një zëvendësues të tij.
Man Utd dhe Real Madrid konfirmojnë marrëveshjen për Casemiron