Pas sulmeve terroriste, pikat kufitare në Bërnjak dhe Jarinjë mbeten të mbyllura
Dy vendkalimet kufitare, Bërnjak dhe Jarinjë, në mes të Kosovës dhe Serbisë, vazhdojnë të jenë të mbyllura edhe në ditën e martë. Mbyllja e vendkalimeve kufitare është vendosur që nga data 24 shtator pas sulmeve të rënda terroriste në zonën veriore të Kosovës, ku u sulmua Policia e Kosovës. Në këtë ngjarje tragjike, zyrtari policor, […]
Dy vendkalimet kufitare, Bërnjak dhe Jarinjë, në mes të Kosovës dhe Serbisë, vazhdojnë të jenë të mbyllura edhe në ditën e martë.
Mbyllja e vendkalimeve kufitare është vendosur që nga data 24 shtator pas sulmeve të rënda terroriste në zonën veriore të Kosovës, ku u sulmua Policia e Kosovës.
Në këtë ngjarje tragjike, zyrtari policor, Afrim Bunjaku, u vra dhe tre të tjerë u plagosën.
Gjatë mëngjesit të së dielës, një grup i armatosur terrorist kreu sulme të koordinuara kundër policisë, duke shkaktuar një situatë të jashtëzakonshme në zonën veriore të Kosovës.
Pas këtyre sulmeve, Policia e Kosovës kërkoi nga autoritetet ndërkombëtare dhe Qeveria serbe që të ndihmojnë në ndërmjetësimin me terroristët dhe të detyrojnë dorëzimin e tyre.
Megjithatë, terroristët refuzuan të dorëzoheshin dhe vazhduan sulmet me armë ndaj forcave të Policisë.
Pas një konfrontimi të dhunshëm, tre prej terroristëve u vranë, ndërsa dy prej tyre u arrestuan.
Gjithashtu, katër persona të tjerë janë arrestuar për përfshirje në ngjarjet e dhunshme.
Autoritetet e Kosovës, gjithashtu, kanë sekuestruar një arsenal të madh armësh në Zveçan, të cilat janë ekspozuar në ditën e hënë.















