Pedri flet për rikthimin e tij në fushë pas rikuperimit nga lëndimi i rëndë

Mesfushori i Barcelonës, Pedri, ka folur për rikuperimin e tij nga lëndimi, duke u shprehur optimist për një rikthim të shpejtë në fushën e lojës

Pedro Gonzalez Lopez

Mesfushori i Barcelonës, Pedri, ka deklaruar se rikuperimi i tij nga një lëndim po shkon për të mirë.

Në një deklaratë të fundit, ai nuk ka caktuar një datë specifike për rikthimin e tij në fushën e lojës, por ka shprehur optimizmin e tij për një rikthim të shpejtë.

“Nuk ka datë specifike për rikthimin tim, por tani për tani gjithçka po shkon shumë mirë”, ka deklaruar ai.

“Shpresoj të kthehem shumë shpejt. Jam shumë mirë mendërisht, në fakt. Rikuperimi po shkon shumë mirë dhe unë thjesht po mendoj të kthehem dhe të shijoj”, ka thënë tutje Pedri, transmeton gazetari Fabrizoi Romano.

Katër javë më parë, Pedri u dërgoi një mesazh të përzemërt mbështetësve të Barcelonës në rrjetet sociale, pasi doli jashtë fushës për shkak të një lëndimi në kofshë.

“Është e vështirë të ndalosh dhe të fillosh përsëri pas gjithë përpjekjes dhe punës pas saj. Sidoqoftë, mos kini dyshim se lotët e djeshëm të pafuqisë së shpejti do të kthehen përsëri në lumturi”, kishte shkruar ai në Instagram.

Ai ka qenë jashtë fushës që nga fillimi i muajit mars.

Më 28 mars, Pedri është parë në terrenin stërvitor të Barcelonës, por ende nuk ka një ide të qartë se kur do të jetë i gatshëm për t’u rikthyer në ekipin e tij të parë.

 

Shija e redaktorit

Policia konfirmon arrestimin e Akil Gjakovës

Policia e Kosovës, ka arrestuar xhudistin Akil Gjakova, si të dyshuar për veprën penale dhunë në familje. Lajmin për Portalin Dukagjini e ka konfirmuar zëdhënësi...

Rama e quan “hap historik” votimin Pro anëtarësimit të Kosovës...

Kryeministri i Shqipërisë, Edi Rama, e ka konsideruar si hap historik votimin e Asamblesë Parlamentare të Këshillit të Evropës(KiE) që i hap rrugë anëtarësimit...

Kurti: Me Kosovën aty, KiE fiton një demokraci të re...

Kryeministri i Kosovës, Albin Kurti, ka reaguar pasi Asambleja Parlamentare e Këshilli të Evropës ka votuar “për” anëtarësimin e Kosovës në këtë organizatë. Përmes një...

Të fundit nga rubrika