Si në çdo fillim të muajit të ri, faqja më e madhe e CS:GO, HLTV, vazhdon ta përditësojë ranglistën botërore të ekipeve, të cilat marrin pikë në bazë të formës dhe rezultateve të tyre të fundit në garat e CS:GO.
Tash e një kohë, ekipi i cili vazhdon të kryesojë listën është ekipi FaZe, të cilët u shpallën kampion të turneut më të madh të CS:GO, PGL Antwerp Major 2022, ku kishin mposhtur ekipin Na’Vi në finale.
Loja në finale të Major-it mes dy ekipeve kishte përfunduar me rezultat të përgjithshëm 2:0 me mapa.
Edhe pse FaZe nuk është treguar në formë aq të mirë në turnetë e fundit, duke u mposhtur nga ekipe të ndryshme, ekipi po vazhdon të qëndrojë në vendin e parë, duke u pasuar nga Na’Vi, që pas përditësimit që është bërë të hënën.
Ekipi nga Ukraina ka kaluar nga vendi i tretë në të dytin, pasi fituan turneun Blast Premier së fundmi dhe është shumë afër për të kaluar ekipin FaZe.
Në vendin e tretë është ekipi ENCE, në të katërtin ekipi Cloud9, ndërsa në vendin e pestë ekipi Vitality.
Ndërsa, ekipi nga Kosova, Bad News Eagles për momentin renditet në vendin e 21-të, krahasuar me javë më parë ku renditeshin në vendin e 18 –të, ku për herë të parë kishin arritur të ngjiteshin aq lartë.
Renditja nga HLTV bazohet në arritjet e ekipeve gjatë çdo muaji, formën e fundit gjatë dy muajve të fundit dhe performancën në ngjarjet e fundit.
Çdo ekip kërkohet të ketë një shumë pikësh prej tre lojtarësh, në mënyrë që të ruajë pikët e tyre.
Më poshtë e gjeni renditjen e 30 ekipeve më të mira në ranglistën botërore të CS:GO.
BNE për herë të parë renditet në vendin e 18-të në ranglistën botërore të CS:GO