Policia kufitare parandalon një rast të ‘kontrabandës me emigrantë’

Gjatë vëzhgimit të Policisë në kufirin Vërmicë, janë ndaluar pesë persona shtetas nga Banglladeshi, të cilët janë parë duke bërë lëvizje të dyshimta në pjesën 'Foleja e Shqiponjës', e që si qëllim kishin emigrimin në shtetet e perëndimit

Policia e Kosovës, ka njoftuar se të enjten mbrëma, patrulla policore nga Stacioni për Mbikëqyrjen e Kufirit-Vërmicë, gjatë vëzhgimit të terrenit ka vërejtur disa lëvizje të dyshimta të disa personave nga pjesa malore që vjen nga Republika e Shqipërisë në drejtim të Republikës së Kosovës. Gjatë vëzhgimit, janë vërejtur pesë persona të cilët nga pjesa e malit, kanë zbritur në drejtim të autostradës ku po i priste një veturë TAXI me targa vendore. Bëhet fjalë për pesë persona meshkuj, shtetas nga Banglladeshi të cilët si qëllim kishin emigrimin në shtetet e perëndimit, sipas njoftimit të Policisë.

“Patrulla policore nga Stacioni për Mbikëqyrjen e Kufirit-Vërmicë, mbrëmë rreth orës 23:40, gjatë vëzhgimit të terrenit ka vërejtur disa lëvizje të dyshimta të disa personave nga pjesa malore që vjen nga Republika e Shqipërisë në drejtim të Republikës së Kosovës, kryesisht nga pjesa e Folesë së Shqiponjës”, thuhet në njoftim.

Tutje, thuhet se gjatë vëzhgimit, janë vërejtur pesë persona të cilët nga pjesa e malit, zbrisnin në drejtim të autostradës ku po i priste një veturë TAXI me targa vendore, bëhet fjalë për pesë persona meshkuj, shtetas nga Banglladeshi, të cilët kishin hyrë ilegalisht në vendin tonë dhe qëllim kishin emigrimin në shtetet të perëndimit.

Image preview

Policia ka arritur ta ndalojë këtë transport, ka intervistuar drejtuesin e automjetit, të dyshuarin mashkull kosovar, 35-vjeçar, i cili ka deklaruar se kishte qëllim që pesë emigrantët t’i dërgonte deri në Prishtinë.

Për rastin në fjalë është njoftuar prokurori kujdestar dhe është iniciuar rasti, ku me aktvendim nga prokurori, i dyshuari dërgohet në mbajtje për 48 orë.

Ndërsa emigrantët janë dërguar në Qendrën e Azilit, ndaj të cilëve do të vazhdohet me procedurat e parapara për raste të tilla.

Shija e redaktorit

Vetëm në muajin shkurt mërgata ka dërguar 87.9 milionë euro

Banka Qendrore e Republikës së Kosovës, sipas kalendarit të publikimeve, ka prezantuar statistikat për institucionet e tjera financiare për muajin shkurt 2024, të remitancave...

Ndahen 8 milionë euro për 11 komuna

Ministri i Administrimit dhe Pushtetit Lokal(MAPL), Elbert Krasniqi, ka njoftuar se janë ndarë 8 milionë euro në 11 Komuna. Ministri Krasniqi, bashkë me kryetarët e...

Kosova një hap më afër anëtarësimit në Këshill të Evropës

Komiteti për Politikë dhe Demokraci i Këshillit të Evropës ka miratuar raportin e raportueses për Kosovën, Dora Bakoyannis, ku rekomandohet që shteti ka përmbushur...

Të fundit nga rubrika