Reagon Presidenca: Petkoviq po shpëndan dezinformata për targat KS

Blerim Vela, shef i kabinetit të presidentes Vjosa Osmani, ka akuzuar drejtorin e ashtuquajturës Zyra për Kosovën në Qeverinë e Serbisë, Petar Petkoviq se po shpërndan dezinformata në lidhje me targat e veturave të Kosovës dhe dokumentin për hyrje-dalje

Foto iluistrim, Zyra e Presidentit të Kosovës, dhe Petar Petkoviq me foton e targave KS

Blerim Vela, shef i kabinetit të presidentes Vjosa Osmani, ka reaguar pasi drejtori i të ashtuquajturës Zyra për Kosovën në Qeverinë e Serbisë, Petar Petkoviq, u shfaq në një konferencë për media të premten duke i prezantuar targat KS.

Petkoviq, kishte deklaruar se Serbia ka prezantuar propozime për zgjidhjen e çështjes së targave dhe dokumenteve serbe para një shtatorit, por ato nuk janë pranuar nga Kosova

Derisa ai ka folur për këto propozime, para mediave ka shfaqur edhe një ilustrim të targave të Kosovës, ku shkruan “KS” dhe është e vendosur emblema e shtetit të Kosovës.

E që për këtë Vela, përmes një postimi në Twitter ka akuzuar Petkoviqin se po shpërndan dezinformata.

Blerim Vela dhe presidentja e Kosovës, Vjosa Osmani

Vela është shprehur se janë humbur shtatë muaj negociata për këtë çështje, duke shtuar se Petkoviq ka thënë se Vuçiq do të takohet me strukturat ilegale të Serbisë në Kosovë.

“Petkoviq shpërndan dezinformata për targat e Kosovës dhe dokumentin e hyrje/daljes. Humben 7 muaj negociata për këtë çështje. Njoftoi se Vuçiq do të takohet me përfaqësues të strukturave ilegale të Serbisë në Kosovë, të cilat duhej të ishin shpërbërë sipas marrëveshjeve të Brukselit”, ka shkruar ai.

Po ashtu, ai është shprehur se shumica e serbëve të Kosovës kanë letërnjoftime dhe targa të veturave kosovare dhe nuk do të preken nga masat e reciprocitetit.

“Shumica e serbëve të Kosovës kanë letërnjoftime dhe targa të veturave kosovare dhe nuk do të preken nga masat e reciprocitetit. Megjithatë, targat e paligjshme të makinave KM do të zëvendësohen me çështje legale të targave nga institucionet e Kosovës dhe qytetarëve që udhëtojnë me letërnjoftime të Serbisë do t’u jepen dokumente hyrje/dalje kur të hyjnë Kosovë”, ka shtuar ai.

Pamje nga takimi në Bruksel, Kurti – Vuqiç

Ndërkaq, të enjten e 18 gushtit, kryeministri i Kosovës, Albin Kurti dhe presidenti i Serbisë, Aleksandër Vuçiq janë takuar në Bruksel, në kuadër të dialogut që ndërmjetëson Bashkimi Evropian (BE).

Në ndërtesën ku po mbahej takimi, ishin të pranishëm Përfaqësuesi i Lartë i BE-së për Punët e Jashtme dhe Politikën e Sigurisë, Josep Borrell, Përfaqësuesi Special i BE-së për dialog Kosovë-Serbi, Miroslav Lajçak, dhe i dërguari i Shteteve të Bashkuara të Amerikës, Gabriel Escobar.

Pavarësisht takimeve të gjata dypalëshe e tripalëshe, në atë ditë nuk u arrit marrëveshje ndërmjet Kosovës dhe Serbisë.

Petkoviq: Kosova nuk pranoi propozimet tona për targat dhe dokumentet

Shija e redaktorit

Intervistë me Mimoza Hasani-Pllana, flet për poezitë dhe kategoritë e...

“Shtegtimi i shqipes në Evropë”, "Komunikimi ndërkulturor” dhe “Poezia e Kosovës në tri kontekste”, janë disa nga librat e fundit të autores, Mimoza Hasani-Pllana. Talentin...

Qenësia e Zarathustrës së Niçes në shqip nga Taulant Hatia

“Njeriu është diçka që duhet të mposhtet. Njeriu është një litar, i lidhur midis kafshës dhe mbinjeriut - një litar mbi një humnerë. Ajo...

Ndryshimi që erdhi nga protestat e studentëve këmishëbardhë të UP-së

“Liria mund të të mos bëjë të lumtur, por të bën njeri”. Këtë thënie e kujton Driton Lajçi, Nënkryetar i Unionit të Pavarur të Studentëve...

Më të lexuarat

Ymeri: Kurti është një hap para dialogut dhe marrëveshjeve me...

“Kryeministri i Kosovës, Albin Kurti është është një hap para në dakordim të dialogut dhe marrëveshjeve  me Serbinë”. Kështu, ka deklaruar analisti politik, Visar Ymeri,...

Maqedonia nuk i njeh letërnjoftimet serbe të institucioneve paralele

“Kjo nuk ka qenë temë diskutimi fare…” Kjo ishte përgjigjja e ministrit të Punëve të Brendshme, Xhelal Sveçla në pyetjen nëse serbët mund ta kalojnë...

Dhunohet 13-vjeçarja, viktima është 8 muajshe shtatëzënë

“Jam frigu tha prej meje, dëmëthënë prej prindit. Jam frigu me tregu, kom mendu se hajt kurgjo nuk është”. Kështu nis rrëfimi i një ngjarjeje...

Të fundit nga rubrika