RIK: Zgjedhjet parlamentare me 98.73 për qind të qendrave të votimit, lista e SNS-së fiton 120 mandate, listat shqiptare mbesin jashtë Kuvendit

Komisioni Republikan i Zgjedhjeve i Serbisë (RIK), në bazë të 98.73 për qind të vendvotimeve të përpunuara, ka shpallur rezultatet e zgjedhjeve parlamentare, ku lista e Partisë Progresive Serbe (SNS) ka fituar 120 mandate, ndërsa dy listat e partive shqiptare nuk kanë arritur të kalojnë pragun që të kenë përfaqësues në Kuvendin e Serbisë.

RIK në faqen e saj zyrtare ka thënë se sipas këtyre të dhënave se lista “Aleksandar Vuçiq – Së bashku mund të bëjmë gjithçka”, ka arritur të fitoj 120 mandate, përkatësisht 42,91 për qind të votave të përgjithshme.

Lista “Koalicioni i Shqiptarëve të Luginës” ka fituar 0,26 për qind, por nuk e ka kaluar pragun zgjedhor, po njëjtë ka mbetur jashtë Kuvendit edhe lista “Alternativa për Ndryshim – Alternativa Demokratike Shqiptare”, e cila ka arritur të marrë vetëm 0,09 për qind të votave të përgjithshme.

 

 

Lista “Marinika Tepic – Të bashkuar për fitoren e Serbisë” ka fituar 38 mandate ose 13,57 për qind.

Sipas RIK, lista “Ivica Daçiq – kryeministër i Serbisë” ka fituar gjithsej 11,43 për qind ose 32 mandate në Kuvendin e Serbisë.

Lista e koalicioneve të Nadës, ka arritur të fitoj 5.38 për qind ose 15 mandate dhe lista e koalicionit “Duhet” ka marrë 4.69 për qind ose 13 mandate.

Lista zgjedhore Sovranistët sipas rezultateve të RIK, ka fituar 2,28 për qind, por nuk ka arritur të kaloj pragun, kurse lista “Blloku Patriotik për Rinovimin e Mbretërisë së Serbisë” me liderin e Dverit, Boshko Obradoviq, ka marrë 3,81 për qind, ose 10 mandate.

Sipas të dhënave të RIK, lista Zavetnici ka fituar 3,72 për qind ose 10 mandate, ndërsa lista minoritare “Aleanca e Hungarezëve të Vojvodinës” ka fituar gjithsej 1,58 për qind ose 5 mandate.

Lista “Trashëgimia e Myftinisë – Partia e Drejtësisë dhe Pajtimit – Usama Zukorliç” ka fituar 0,95 për qind, përkatësisht 3 mandate në Kuvendin serb.

Në rezultatet e RIK, lista “Së bashku për Vojvodinën – Vojvodinë”, ka fituar 0,64 për qind ose 2 mandate.

Lista e “SDA Sanxhak – Dr. Sulejman Ugljanin” ka fituar 0.54 për qind ose 2 mandate.

Lista zgjedhore e Boris Tadiqit “Ajmo ljudi”, ka arritur të marr 1,67 për qind, por nuk e ka kaluar pragun zgjedhor.

RIK deklaroi gjithashtu se lista “Dr Vojisllav Sheshel – Partia Radikale Serbe” ka fituar 2,16 për qind por, nuk ka kaluar pragun.

Sipas RIK, lista “Foshnjat e rrëmbyera – Ana Pejiq” ka fituar 0,82 për qind, por se ka mbetur jashtë Kuvendit.

Lista “Aleanca e Minoritetit Rus – Milena Pavlovic, Pavle Bihali Gavrin (Lëvizja Serbo-Ruse, Partia Serbo-Ruse e Ujqërve, Lëvizja Serbe Greke)” sipas RIK, ka fituar 0.25 për qind të votave, por që ka mbetur e pa përfaqësuar në Kuvend, sikurse lista “Partia Rome – Srdjan Šajn”, e cila arriti të fitoj 0.17 për qind të votave.

Shija e redaktorit

INTERVISTË me Marin Memën: Kemi nevojë të duam më shumë...

Cilki i dokumentarëve, 'Gjurmë Shqiptare' me autorin Marin Mema, në Top Channel Albania përfshin një audiencë të të gjitha moshave. Në 'Gjurmë Shqiptare' trajtohen tema...

Këngët për nder të gjeniut Andy Warhol

Data e 6-gushtit shënon lindjen e një pop artisti si Andrew Warhol, arti i tij i  mrekullueshëm dhe idetë revolucionare të Warhol ishin padyshim...

“Film n’park”, tradita që i rikthehet Prishtinës

Në zemrën e gjelbërt të kryeqytetit, në mesin e dritave, miqve dhe muzikës, është vendi ku “Film n’park” shënon një rikthim pas kufizimeve nga...

Më të lexuarat

Një person largohet nga një restorant në Pejë pa paguar...

Një person mashkull shihet duke ngrënë mengjes, dhe menjëherë pas përfundimit ai shihet duke u larguar pa komunikuar me ndonjë kamerier nga restoranti. Pamjet e...

Milan Radojçiq: Jam kthyer në Kosovë dhe ju e dini...

Nënkryetari i Listës Serbe, Milan Radojçiq, ka sfiduar shtetin e Kosovës, duke e postuar një video nga pjesa veriore e Republikës së Kosovës. Radojçiq, ka...

Përplasen Mushkolaj dhe Ramiz Shala për rastin “Lushtaku”

Ramiz Shala, ish-drejtor për Gjeodezi në Komunën e Skënderajt, ka thënë se për rastin "Lushtaku", është bërë shumë zhurmë në media. I ftuar në emisionin...

Të fundit nga rubrika