Pas dorëheqjes së Alqi Bllako, nga pozita e deputetit, në këtë post do të vijë ish-kryeministri i Shqipërisë, Pandeli Majko.
Në komisionin shtetëror të zgjedhjeve, pas verifikimeve të kryera, Ilirjan Celibashi, i ka dhënë mandatin Pandeli Majkos.
Ky i fundit do të jetë deputetë nga radhët e Partisë Socialiste (PS) në Kuvendin e Shqipërisë.
Pandelio Majko më parë kishte dorëzuar formularin e dekriminalzimit në Komisionin Qendror të Zgjedhjeve.
KQZ-ja ka dalë në përfundimin, duke u konsultuar edhe me organet përkatëse, se Majko nuk ka kryer asnjë shkelje penale ose të ketë vendim gjykate të formës së prerë kundër tij.
Ky i fundit ishte i 19-ti në listë, një më pak se numri i deputetëve që mori PS-ja në qarkun e Tiranës.
Majko kishte marrë 8 mijë e 785 vota, në zgjedhjet parlamentare të 25 prilli, por nuk arriti t’i grumbullojë 10 mijë vota, për të qenë deputet.
Por fati i buzëqeshi me arrestimin e Bllakos, ku Majko ishte në listën pritëse për të qenë deputet, prandaj është vendosur t’i kalohet mandati.
Alqi Bllako ka dhënë dorëheqje, pas kërkesës së Prokurorisë së Posaçme kundër Korrupsionit dhe Krimit të Organizuar (SPAK).