Numri i viktimave nga tërmeti në Marok është rritur nga 296 në 632.
Kështu ka raportuar Televizioni i Marokut.
Nga ky tërmet thuhet se janë lënduar 329 persona, sipas agjencisë së lajmeve Reuters, raporton BBC.
Gjatë kësaj të shtuneje u raportua se ka ndodhur një tërmet me magnitudë 6.8 ballë në Marok. Fillimisht raportohej se ishin 296 viktima, por tani mediat ndërkombëtare raportojnë se ky numër është rritur në 632.
Lexo dhe: Tërmet në Marok, të paktën 296 të vdekur
Ky tërmet ka ndodhur vetëm pas orës 23:00 me kohën lokale (22:00 GMT) në një thellësi të cekët, rreth 71 km (44 milje) në jugperëndim të Marrakeshit.