Rusia sulmon Kievin me raketa dhe dronë

Mëngjesin e së premtes, tensioni midis Rusisë dhe Ukrainës u ngrit me sulme raketash dhe dronësh në Kiev dhe Harkiv nga Rusia, ndërsa Ukraina kundërpërgjigjej duke rrëzuar dronët e sulmit. Në të njëjtën kohë, një depo naftë në Rusi u sulmua nga një dronë ukrainas, duke shkaktuar dëme materiale dhe plagosjen e dy personave

Zjarrfikësit punojnë për të shuar zjarrin në një ndërtesë apartamentesh të shkatërruar pas një sulmi rus në Kiev, Ukrainë, të martën, 2 janar 2024. Foto, Efrem Lukatsky, AP.

Rusia ka goditur Kievin me një raketë të llojit Iskander dhe me disa dronë mëngjesin e 31 majit, duke shkaktuar zjarr në një ndërtesë në kryeqytetin ukrainas, ka thënë kreu i administratës ushtarake të Kievit, Serhiy Popko, përmes një postimi në Telegram.

Popko ka thënë se nuk ka viktima nga sulmet. Ai ka shtuar se të gjithë dronët e lëshuar nga Rusia u rrëzuan nga mbrojtja ajrore e kryeqytetit ukrainas.

Ndaras, Forcat Ajrore të Ukrainës thanë se Rusia sulmoi gjatë natës qytetin e Harkivit me pesë raketa.

Ndërkaq, një sulm me dronë mëngjesin e 31 majit ndaj një depoje të naftës në rajonin Krasnodar të Rusisë, dëmtoi tri cisterna të mbushura me karburante.

Sulmi shkaktoi zjarr, duke plagosur dy persona, thanë zyrtarët rajonalë rusë, raporton Radio Evropa e Lirë.

Guvernatori i rajonit të Krasnodarit, Veniamin Kondratyev, shkroi në Telegram se është shuar zjarri në deponë në qarkun Temrjuk, ndërkaq kreu i këtij qarku tha se dy persona u plagosën nga fragmentet e dronit të rrëzuar ukrainas.

Ministria ruse e Mbrojtjes tha se forcat e saj më 31 maj po ashtu rrëzuan dronë të Ukrainës mbi rajonet e Voronezhit, Belgorodit dhe Tambovës.

Ukraina, që përballet me pushtimin e nisur nga Rusia më 2022, nuk ka komentuar për këto pretendime të autoriteteve ruse.

Shija e redaktorit

Spanja në finale, mposht Francën

Kombëtarja e Spanjës ka arritur kualifikimin në finale të Euro 2024, pasi mposhti me rezultat 2:1 kombëtaren e Francës në gjysmëfinale. Në pjesën e dytë...

Ballkani triumfon në ndeshjen e parë kualifikuese në Ligën e...

Ballkani ka fituar 2-1 ndaj Santa Coloman në 1/8 e fazës kualifikuese në Ligën e Kampionëve. Ndeshja nisi me një ritëm të qetë, por që...

Blinken duartroket rolin e Osmanit për hapjen e qendrës rajonale...

Sekretari amerikan i Shtetit, Antony Blinken, ka vlerësuar rolin e presidentes së Kosovës, Vjosa Osmani, në hapjen e qendrës rajonale “Gratë, Paqja dhe Siguria”...

Të fundit nga rubrika