Shtetet e Bashkuara të Amerikës kanë vendosur të kufizojnë udhëtimet për stafin e ambasadës së tyre në Izrael dhe anëtarët e familjeve të tyre, në dëshirë për të garantuar sigurinë e personelit diplomatik.
Ambasada amerikane në Izrael ka njoftuar se personeli i tyre nuk lejohet të udhëtojë jashtë rajonit të madh të Tel Avivit, duke përfshirë qytete si Herzliya, Netanya dhe Even Yehuda, si dhe zonat e Jerusalemit dhe Be’er Sheva.
Kjo masë e sigurisë është vendosur pas raportimeve për sulmin hakmarrës të Izraelit ndaj Iranit dhe ka për qëllim të mbrojë personelin dhe familjet e tyre nga ndonjë rrezik i mundshëm.
Izraeli kryen ‘sulm hakmarrës’ kundër Iranit
Në një deklaratë të dhënë të premten, ambasada vuri në dukje kompleksitetin e mjedisit të sigurisë në rajon, i cili mund të ndryshojë shpejt në varësi të zhvillimeve politike dhe të ngjarjeve të fundit.
Mediet amerikane raportojnë se Izraeli i kishte dhënë paralajmërim paraprak Uashingtonit për planet e tyre për sulm, megjithatë Shtetet e Bashkuara nuk e miratuan veprimin sipas zyrtarëve të paidentifikuar të mediave si NBC dhe CNN.
Irani thotë se të gjitha kufizimet e fluturimeve tani janë hequr
Kur lajmet u publikuan më herët për një sulm të mundshëm izraelit kundër Iranit, devijime të rëndësishme fluturimi filluan të ndodhin në të gjithë hapësirën ajrore të vendit, sipas faqes së monitorimit FlightRadar24.
Flydubai u tha gjithashtu disa medieve se do të anulonte të gjitha fluturimet për në Iran të premten, dhe se një fluturim nga Dubai në Teheran ishte kthyer.
Irani tani po sinjalizon se ndërprerja ka mbaruar dhe se është si zakonisht në aeroportet e tij.
Agjencia shtetërore e lajmeve IRNA raportoi se fluturimet kanë rifilluar në aeroportin ndërkombëtar Imam Khomeini të Teheranit.
Agjencia gjysmëzyrtare e lajmeve iraniane Tasnim, e cila është e afërt me Korpusin e Gardës së Revolucionit Islamik (IRGC), ka postuar një video me një mbishkrim duke thënë: “Vendi bërthamor i Isfahanit është plotësisht i sigurt”..
Mediet shtetërore iraniane po citojnë një gjeneral të ushtrisë në provincën Isfahan të ketë thënë se nuk janë raportuar dëme.