Autoritetet kosovare e kanë mbyllur për qarkullim pikëkalimin me Serbinë në Bërnjak pasi përfaqësues të disa shoqatave serbe bllokuan rrugët në pjesën serbe në tri pikëkalimet kufitare mes dy vendeve të premten pasdite, në shenjë proteste ndaj vendimeve të autoriteteve kosovare në veriun e Kosovës të banuar me shumicë serbe.
Në protestën e serbëve që po vazhdon ende në kufirin në Bërnjak nga ana e serbëve janë parë persona të maskuar.
Siç njoftoi edhe Ministri i Punëve të Brendshme i Kosovës, Xhelal Sveçla, pas paralajmërimit të grupeve ekstremiste serbe për protesta, janë vërejtur grupe ekstremistësh të maskuar.
Sveçla: Grupe të maskuara po ndalojnë veturat dhe legjitimojnë udhëtarët në prani të policisë serbe