Data 29, e muajit prill shënohet si Dita Ndërkombëtare e Vallëzimit.
Ditë kjo e cila në shkollën “Elena Gjika” në Prishtinë bashkoi grupe të ndryshme vallëtarësh të cilët e bën këtë ditë akoma më të veçantë.
Ansambli Kombëtar i Këngëve dhe Valleve “Shota”, Qendra Kulturore e Fëmijëve të Prishtinës, Qendra Kulturore Artistike turke “Gerçek” dhe vallëtaret e kësaj shkolle me paraqitjet e tyre bën që ky program të jetë më unik.
Mësimdhënësja e muzikës në këtë shkollë, njëkohësisht organizatorja e kësaj ngjarje, Lirije Haxhiaj është shprehur e kënaqur me pritjen që nxënësit i bën kësaj feste.
“Është kënaqësi të shoh kaq grupe vallëtarësh në shkollën tonë pikërisht në këtë ditë. Të shoh fytyrat e nxënësve me plot entuziazëm për traditat tona, është treguesi më i mirë që ne duhet sa më shumë ta promovojmë atë tek gjeneratat e reja”, ka thënë Haxhiaj për portalin Dukagjini.
Ndërkaq në shenjë falenderimi Ansamblit “Shota” iu dorëzua një pikturë e punuar nga nxënësit e kësaj shkolle.
Ndryshe, Dita e Ndërkombëtare e Vallëzimit shënohet që nga viti 1982.