Shkarkohen dy drejtorë në Policinë Rajonale në Prishtinë pas rastit të 11-vjeçares

Mësohen emrat e dy drejtorëve të Policisë Rajonale në Prishtinë, të cilët janë shkarkuar pas rastit të 11-vjeçares, e cila dyshohet se është përdhunuar nga pesë persona në Prishtinë

Janë shkarkuar edhe dy drejtorë të Policisë së Kosovës pas rastit të përdhunimit të 11-vjeçares në Prishtinë.

Nga pozita e drejtorit të Policisë rajonale të Prishtinës është larguar Fahredin Verbovci ndërkaq, Shkëlzen Xhafa nga ajo e Shefit të Operativës për kryeqytet.

Ndërsa, për shkarkimet e tyre, njoftimi u bë nga kryeministri i Kosovës Albin Kurti, edhe pse shkarkimet bëhen nga menaxhmenti i Policisë. Kreu i Qeverisë, ka thënë se përgjegjësi duhet të mbajnë edhe Këshilli Gjyqësor i Kosovës (KGJK) e Këshilli Prokurorial i Kosovës (KPK).

Po ashtu, Kurti, në lidhje me rastin e dhunimit të 11-vjeçares në Prishtinë, ka thënë se është bërë kohë e gjatë me drejtësi selektive e të pabarabartë, barra e rëndë e së cilës, siç thotë ai bie mbi supet e viktimave, “kryesisht gra dhe vajza”.

Kryeministri i Kosovës, Albin Kurti

Kreu i Qeverisë së Kosovës ka kërkuar edhe dorëheqje të tjera në lidhje me këtë rast.

Ai ka përmendur edhe dorëheqjen e drejtorit të Drejtoratit për Trajtimin e të Burgosurve dhe të Miturve në Shërbimin Korrektues të Kosovës, akt të cilin e ka quajtur moral.

“Organet e rendit arritën t’i arrestojnë personat e dyshuar për dhunimin e vajzës 11- vjeçare”, ka vijuar tutje.

Por, Kurti ka pyetur se “ku është morali i gjyqtarëve e prokurorëve?”

Shefi i ekzekutivit ka thënë se gjykatat nuk i gjykojnë rastet e dhunimeve në përputhje me ligjet në fuqi, që parashohin dënime prej më së paku 10 vjetësh për dhunë seksuale ndaj personit nën moshën 14 vjeç.

Për Kurtin, mosndëshkueshmëria ndaj dhunuesve, e edhe ndaj atyre që po i sjellin këto vendime, është e papranueshme.

“Shoqëria dhe shteti ynë, nuk mund të bartin koston e mospunës dhe papërgjegjësisë së prokurorëve e gjyqtarëve”, ka përfunduar Kurti.

Më 29 gusht, Ekrem Rexhepi bashkë me 4 persona të tjerë, përfshirë vëllain e tij, po dyshohen se për më shumë se 5 orë e kanë dhunuar një fëmijë 11-vjeçar në Prishtinë.

Ata të gjithë janë në paraburgim, derisa për këtë rast deri tani dorëheqje ka dhënë drejtori i Policisë, Samedin Mehmeti dhe Ali Gashi, drejtor i Drejtoratit për trajtimin e të burgosurve dhe të miturve.

Sipas aktgjykimit të Gjykatës Themelore të Prishtinës, Ekrem Rexhepi u dënua me burgim me kusht, për shkak se kishte tentuar ta sulmonte motrën dhe vëllain e tij.

RTV Dukagjini e ka siguruar aktgjykimin e datës 01.12.2020 përmes Ligjit për qasje në dokumente publike, e i cili është i redaktuar.

EKSKLUZIVE: Pse u dënua me kusht për dhunë në familje i dyshuari për dhunimin e 11 vjeçares? (Dokument)

Shija e redaktorit

EURO DUELI – Nisja e aventurës futbollistike në TV Dukagjini

Sonte ka nisur emisioni “Euro Dueli” në TV Dukagjini, emision kushtuar Kampionatit Evropian. Analiza të detajuara, debate interesante, show, do t’i përcjellin shikuesit përgjatë një...

Parada e Çlirimit, FSK e Policia parakalojnë në Prishtinë

Pasardhëse e UÇK-së, e ushtria e shtetit të pavarur të Kosovës nuk kishte si të niste sot parakalimin në 25 vjetorin e çlirimit pos...

Ditët e para të çlirimit, rrëfim nga ish-zyrtari për informim...

Për ditë me radhë në territorin e Maqedonisë, ushtarët e NATO-s stërviteshin për përballjen me forcat serbe në Kosovë. Më 10 qershor në Kumanovë, Serbia...

Të fundit nga rubrika