Thirrjet e vazhdueshme të Këshillit Grevist për shtesën 100 euro nuk kanë qenë vetëm për mësimdhënësit e shkollave fillore dhe mesme.
100 euro shtesë në muaj janë kërkuar edhe për profesorët universitar.
Por, në kerkesë të tyre mesa duket janë vetëm këta të parët.
E profesorët universitar po kryejnë obligimet për çka janë të thirrur duke dal në punë.
Studentja e Fakultetit të Shkencave Matematikore dhe Natyrore, Festina Peci thotë se të gjithë profesorët që ka pasur provim me ta në afatin e shtatorit kanë dalur në punë.
“Në bazë afatit që dalin në rrjete, zakonisht në grupet e FSHMN-së shpërndahen oraret e provimeve, të gjitha provimet janë mbajtur me rregull. Të gjithë profesorët kanë qenë të pranishëm”, ka thënë Peci.
Pos FSHMN-së, profesorët nuk po përfillin grevën as në fakultetin Filologjik.
Profesori i këtij fakulteti, Faton Ismajli tregon që në hapësirat e fakultetit grevojnë vetëm administrata.
“Sa kam informacione, të gjithë profesorët janë duke i mbajtur provimet. Por, profesoët gjithmonë kanë qenë në krahë të administratës sepse administrata në UP I kanë të ardhurat jo të mira ndëkohë profesorët nuk kanë pas zakonisht ankesa”, ka theksuar Ismajli.
Por, ani pse provimet e shtatorit po mbahen. Sipas profesorit Ismajli greva nuk duhet ta nxë një tetorin.
“Qeveria e Kosovës nuk guxon të lë grevën të vazhdoj deri me një tetor për shkak se edhe profesorët do të hynë në grevë. Jo për shkak të tyre por për administratën”, ka shtuar profesori.
Data zyrtare e fillimit të ligjerimeve në Universitetet e vendit është një tetori.