Gjatë mbrëmjes së 16 korrikut, pesë zyrtarë të Policisë së Kosovës kanë mbetur të lënduar si pasojë e një sulmi nga një kamioni, i cili dyshohej për kontrabandim mallrash. Kamioni ka dëmtuar automjetin e Policisë pas dy goditjesh.
Për këtë rast, ka reaguar nëpërmjet një postimi në Facebook, Sindikata e Policisë së Kosovës (SPK), e cila e ka dënuar sulmin ndaj zyrtarëve policorë.
SPK u ka uruar zyrtarëve të lënduar shërim të shpejtë, dhe ka kërkuar nga oragnet e drejtësisë të veprojnë në bazë të dispozitave ligjore. Sipas tyre, veprimi sipas ligjit nga ana e Prokurorisë dhe Gjykatës do të ndikonte në parandalimin e këtyre sulmeve ndaj zyrtarëve të policisë.
“Zyrtarëve policorë u dëshirojmë shërim të shpejtë, kurse nga organet e drejtësisë kërkojmë që të veprojnë sipas ligjit ndaj kryesëve të këtyre veprave penale. Veprimi sipas ligjit nga Prokuroria dhe Gjykata do të ndikonte në parandalimin e sulmeve ndaj zyrtarëve policorë dhe veprave tjera penale”, ka shkruar SPK.
