Ekipi i RTV Dukagjinit po qëndron në Veri të Mitrovicës me ç’rast po raporton se situata atje, përkatësisht në afërsi të Urës së Ibrit është e qetë.

Ajo çka vihet re mëngjesin  së shtunës së 10 dhjetorit, është se patrullimet e Policisë së Kosovës shihen në numër më të vogël sesa ditëve të tjera.

Ilustrim

Aktualisht, në lagjen e boshnjakëve është një patrullë e Policisë së Kosovës.

Ilustrim

Por, patrulla të policisë së Kosovës gjenden ne pjesë të ndryshme të Veriut.

Mbrëmja e djeshme u mbyll gjithashtu me një shpërthim në Mitrovicën e Veriut, i cili kësaj radhe ndodhi në afërsi të Policisë së Kosovës.

Më saktësisht, shpërthimi ka ndodhur në afërsi të lagjes “Tre Rrokaqiejt”, ku edhe ndodhet zyra e Komisionit Komunal Zgjedhor.

Informacionet e tilla, vazhdimisht po i bëjnë të ditura ekipet e gazetarëve të RTV Dukagjinit të cilët janë duke raportuar nga vendi i ngjarjes.





Situata në veri, gjithçka që ndodhi gjatë të premtes