Sulm në autokolonën e burgut, dy oficerë francezë vriten në një pritë pranë Normandisë
Dy oficerë burgu francezë janë vrarë sot në një pritë në një furgon burgu pranë Rouen në Normandi. Raportimet në mediet franceze sugjerojnë se një i burgosur që po transportohej në furgon është arratisur së bashku me sulmuesit. Ministri i Drejtësisë i Francës, Eric Dupond-Moretti, ka thënë se tre oficerët e tjerë janë plagosur rëndë. […]
Dy oficerë burgu francezë janë vrarë sot në një pritë në një furgon burgu pranë Rouen në Normandi.
Raportimet në mediet franceze sugjerojnë se një i burgosur që po transportohej në furgon është arratisur së bashku me sulmuesit.
Ministri i Drejtësisë i Francës, Eric Dupond-Moretti, ka thënë se tre oficerët e tjerë janë plagosur rëndë. Ai ka thënë se po mblidhte njësinë e krizës në Ministrinë e Drejtësisë, raporton BBC, përcjell Dukagjini.
Prita është zhvilluar rreth orës 11:00 pranë një kabine pagese, e cila tani është e mbyllur në të dy drejtimet.
Ajo u krye nga disa individë, të cilët iu afruan autokolonës së burgut me dy automjete, sipas AFP-së.
Raporte të pakonfirmuara në mediet franceze thonë se i arrestuari dhe sulmuesit u arratisën me një makinë, që më vonë u gjet e djegur aty pranë.















