Sveçla i përgëzon zyrtaret policore për “përfaqësim dinjitoz” në Konferencën Ndërkombëtare të Grave në Polici në Zelandën e Re

Ministri i Punëve të Brendshme, Xhelal Sveçla ka përgëzuar Policinë e Kosovës për përfaqësim të 13 zyrtareve policore në Konferencën Ndërkombëtare të Grave në Polici në Zelandën e Re

Ministri i Punëve të Brendshme, Xhelal Sveçla, ka përgëzuar Policinë e Kosovës për përfaqësim të 13 zyrtareve policore në Konferencën Ndërkombëtare të Grave në Polici në Zelandën e Re.

“Përgëzoj Policinë e Kosovës për përfaqësim dinjitoz të 13 zyrtareve policore në Konferencën Ndërkombëtare të Grave në Polici në Zelandën e re, si pjesëmarrëse të barabarta në mesin e 75 shteteve pjesëmarrëse, me mbështetje të INL Ambasadës Amerikane në Kosovë”, ka thënë Sveçla.

Sveçla ka thënë se do të vazhdojnë “me përkushtim të avancojmë” pozitën e gruas në Policinë e Kosovës.

Në qytetin Auckland të Zelandës së Re kanë qëndruar pesëmbëdhjetë pjesëtare të Policisë së Kosovës, ku kanë  marrë pjesë në Konferencën Ndërkombëtare të Grave në Polici “IWPC2023”.

Gjatë qëndrimit në Zelandë të Re, pjesëtarët e Policisë së Kosovës kanë parakaluar edhe në Paradën e Kombeve.

Lexo dhe: Policia e Kosovës parakalon në Paradën e Kombeve në Zelandë të Re

Ambasada e Kosovës në Zelandë të Re ka shpërndarë disa fotografi nga ky moment, derisa ka shkruar “Parada e Kombeve mëngjesin e sotëm na bëri krenarë për përparimin e Policisë së Kosovës”.

Shija e redaktorit

Presidenti kroat pritet ta vizitojë Kosovën në fillim të dhjetorit

Presidenti i Kroacisë, Zoran Milanoviq, pritet ta vizitojë Kosovën në fillim të muajit dhjetor të këtij viti. Kështu ka mësuar Dukagjini nga burimet e veta...

Nufi: Shqipëria do ta mbrojë Kosovën, asnjë qeveri në Tiranë...

Ministri i Mbrojtjes i Shqipërisë, Ermal Nufi, ka deklaruar se angazhimi i Shqipërisë për mbrojtjen e Kosovës është i pakushtëzuar, duke theksuar se asnjë...

Përkujtohet ditëlindja e heroit të Kosovës, Zahir Pajaziti

Sot shënohet 64-vjetori i lindjes së komandantit të Ushtrisë Çlirimtare të Kosovës dhe heroit të Kosovës, Zahir Pajaziti. Ai u lind më 1 nëntor 1962...

Të fundit nga rubrika