Shefi i Grupit Parlamentar të AAK-së, Besnik Tahiri në emisionin Debat Plus, të Rtv Dukagjinit, i ka komentuar deklaratat e Kryeministrit të Malit të Zi, Dritan Abazoviq, i cili kishte thënë se nuk do ta ridiskutojnë temën e demarkacionit me Kosovën.
Tahiri tha se i kupton deklaratat e Abazoviqit, dhe se përgjegjësia për ta trajtuar këtë çështje më shumë i takon Qeverisë së Kosovës.
Sipas Tahirit, kryeministri Kurti e ka për detyrë që ta përmirësojë demarkacionin mes Kosovës dhe Malit të Zi.
“Ne e kemi sjellë në kuvend një letër të dy presidentëve… kemi votu raportin e komisionin shtetëror dher marrëveshjen. Është detyrë e qeveirsë Kurti të merret me të, për arsye siç dihet Ramush Haradinaj kishte dhënë dorëheqje, ëëhtë detyrë e tij (Kurtit) që ta trajtojë këtë temë me palët tjera dhe ta përmirsojë”, ka deklaruar Tahiri.
Sipas Tahirit, Qeveria e Kosovës duhet të mundohet që dëmi i shkaktuar sipas tij të minimizohet.
Tutje, shefi i grupit parlamentar të AAK-së, e ka komentuar deklaratën e kryeministrit Albin Kurti të dhënë në kuvend, para disa muajsh, i cili duke ju drejtuar Ramush Haradinajt, i kishte thënë se partia e tij e ka “lëshuar bajrakun”, sa i përket demarkacionit me Malin e Zi.
Tahiri, ka thënë për Kurtin, se me deklaratat e tija po bëhet qesharak.
“Kurti ka filluar të bëhet qesharak, ky cka po fol e cfarë veprime po bën po del qesharak. Ky njeri ka thënë se nuk ulet kurrë me Vuçiqin, ky prej pikës së shtatë e ka kthyer dialogun në pikën një. Ky i ndërron fjalët sikurse frynë era. Ne nuk e kemi lëshu bajrakun…”, ka thënë ai.
Në fund Tahiri, është shprehur se partia e tij AAK i ka rënë pishman se pse në vitin 2015 kanë bashkëpunuar me kryeministrin e tanishëm Albin Kurti.