Tre policë theren me thikë në Prizren

Tre policë janë therur me thikë nga një person në Prizren. Ngjarja ka ndodhur rreth orës 17:00, pas një intervenimi të policisë tek një familje, të cilët kanë raportuar se një anëtar i tyre është i dhunshëm

Tre zyrtarë të Policisë së Kosovës, janë therur me thikë këtë të shtunë, rreth orës 17:00 në lagjen “Dardania” në Prizren.

Nga policia është bërë e ditur se njëri nga zyrtarët policorë ka marrë lëndime më të rënda dhe është transportuar për trajtim mjekësor në Qendrën Klinike Universitare të Kosovës në Prishtinë, ndërsa dy të tjerët po trajtohen në Spitalin e Prizrenit.

Për Portalin Dukagjini togeri në stacionin e Policisë në Prizren, Shaqir Bytyqi, ka thënë se rasti ka ndodhur pasi zyrtarët policorë kishin shkuar për të intervenuar te një rast i dhunës në familje.

“Pak para orës 17:00 familjarët e të dyshuarit e kanë thirr patrullën policore për asistim për shkak se një familjar ka qenë i dhunshëm, pas gjitha provave kanë shkuar në vend të ngjarjes, i dyshuari nuk iu ka përfillur as policisë as familjarëve, dhe kur kanë hap derën ka tentuar të sulmojë patrullën me thikë, patrulla e ka thirrur për asistim njësinë e reagimit të shpejtë”, ka deklaruar Bytyqi.

“Pasi kanë ardhur Njësia e Reagimit të Shpejtë në tentim për me e shti në kontroll edhe ata i ka sulmuar, tre zyrtarë janë të lënduar, të tre janë jashtë rrezikut për jetë, njeri është në spital në Prizren, njërin e kemi dërguar në QKUK në Prishtinë, edhe njëri është liruar për trajtim në shtëpi”, ka thënë tutje ai.

Po ashtu, të tre zyrtarët policorë janë jashtë rrezikut për jetë, ndërsa i dyshuari është arrestuar dhe tashmë ndodhet në stacion policor.

“I dyshuari tash është arrestuar, është ndaluar dhe jemi në konsultim me prokurorin për më tutje”, ka thënë Bytyqi.

Shija e redaktorit

Lansohet platforma e-Komuna, Kurti: Drejt një qeverisjeje digjitale me fokus...

Ministria e Administrimit të Pushtetit Lokal ka organizuar të premten ceremoninë e lansimit të shërbimeve të e-Komuna, e cila është pjesë e platformës shtetërore...

ASK: Në Kosovë s’ka rënie të madhe të numrit të...

Procesi i regjistrimit të popullsisë në Kosovë përfundon këtë të premte, pas fillimit të tij më 5 prill, rezultatet preliminare të të cilit pritet...

Osmani bisedon me homologun gjerman, diskuton rëndësinë e anëtarësimit të...

Presidentja e Kosovës, Vjosa Osmani, të martën mbrëma ka zhvilluar një bisedë telefonike me homologun gjerman, Frank-Walter Steinmeier. Në një postim në rrjetin social "X",...

Të fundit nga rubrika