Ushtria ukrainase dhe forcat mercenare ruse Wagner kanë raportuar tërheqje të mëtejshme të Rusisë rreth qytetit Bakhmut, derisa Kievi po vazhdonte me përparimin e tij më të madh në qytet për disa muaj përpara një kundërofensive të shumëpritur.
Ukraina ka thënë se kishte zmbrapsur një ditë sulmesh ruse në dhe përreth qytetit lindor të shkatërruar të enjten dhe kishte arritur deri në 1 kilometër (pothuajse 3 mijë e 300 këmbë) në disa vende.
Kreu i Grupit Wagner, i cili po kryeson sulmin rus në Bakhmut, ka thënë se forcat e tij gjithashtu kishin avancuar deri në 400 metra (më shumë se 1 mijë e 300 këmbë) në pjesë të qytetit.
“Ne po e shtyjmë Bakhmutin deri në fund”, ka thënë shefi i Wagner, Yevgeny Prigozhin, në një regjistrim audio në kanalin e tij Telegram.
Prigozhin ka thënë se luftëtarët e Wagner janë në prag të shtyrjes së trupave ukrainase nga pika e tyre e fundit në zonën e ndërtuar në periferinë perëndimore të qytetit. Por, ai ka akuzuar gjithashtu forcat e rregullta ruse për braktisjen e tokës në veri dhe në jug të qytetit, duke rritur rrezikun e rrethimit të trupave ruse brenda.
“Fatkeqësisht, njësitë e Ministrisë ruse të Mbrojtjes janë tërhequr deri në 570 metra (1,880 këmbë) në veri të Bakhmut, duke ekspozuar krahët tanë”, ka thënë Prigozhin në mesazhin e tij të fundit zanor të enjten.
“Unë i bëj thirrje udhëheqjes së lartë të Ministrisë së Mbrojtjes – publikisht – sepse letrat e mija nuk po lexohen”, ka thënë Prigozhin, duke iu drejtuar ministrit rus të Mbrojtjes, Sergei Shoigu dhe shefit të Shtabit të Përgjithshëm, Valery Gerasimov, raporton Al Jazeera.
Zëvendësministrja e Mbrojtjes e Ukrainës, Hanna Maliar, duke raportuar për përparimet në Bakhmut, ka thënë se forcat ukrainase po përmbushnin “objektivat e tyre ushtarake”.
“Për momentin, ne kontrollojmë pjesën jugperëndimore të Bakhmutit,” ka deklaruar ajo.
Sipas saj, Rusia ka sulmuar Bakhmutin gjatë gjithë ditës së enjte, duke “forcuar ndjeshëm” forcat e saj në qytet, duke sjellë shumicën e rezervave të saj, por të gjitha “sulmet u zmbrapsën”.
Ministria ruse e Mbrojtjes ka pranuar disa tërheqje nga pozicionet pranë Bakhmutit gjatë javës së kaluar.
Forcat ukrainase kanë kapur “iniciativën taktike dhe kanë bërë përfitime të rëndësishme taktikisht rreth Bakhmutit në operacionet kundërsulmuese” të enjten, ka njoftuar Instituti për Studimin e Luftës në konferencën e tij të fundit mbi konfliktin.
Kyiv ka thënë se taktika e tij në Bakhmut është të tërheqë forcat ruse në luftën urbane të qytetit, në mënyrë që të dobësojë mbrojtjen e vijës së parë të Rusisë diku tjetër përpara kundërsulmit të planifikuar të Kievit.
Zona përreth qytetit, dikur shtëpia e 70 mijë njerëzve në rajonin Donetsk të Ukrainës lindore, ka qenë në qendër të luftimeve për muaj të tërë.
Oleksander Syrskyi, komandanti i forcave tokësore të Ukrainës, ka thënë në mesazhin e mediave sociale këtë javë se forcat e Wagner ishin “kapur në Bakhmut si minjtë në një kurth miu”.
Të enjten mbrëma, presidenti ukrainas, Volodymr Zelenskyy, lavdëroi trupat e tij dhe mbrojtjen ajrore të vendit mes ditëve të sulmeve komplekse me raketa dhe dron në Kiev dhe qytete të tjera, të cilat janë zmbrapsur kryesisht duke rezultuar në rrëzimin e raketave ruse që vijnë.
“Para së gjithash, brigadat e mbrojtjes bënë një punë të mirë, ata përmbushën detyrat kryesore strategjike, por tani nuk është koha për të dhënë detaje”, ka thënë Zelenskyy në fjalimin e tij të natës.
“Së dyti, brigadat sulmuese po bëjnë punë të mirë, po përgatitemi”, ka thënë ai, duke shtuar se nuk mund të jepen detaje.
Sekretari i Këshillit të Sigurisë Kombëtare dhe Mbrojtjes së Ukrainës, Oleksiy Danilov, ka thënë se sulmet e përsëritura me raketa të Rusisë në Kiev – deri më tani kanë qenë nëntë këtë muaj – ishin një shenjë e dëshpërimit të Moskës.